¿Kenon tikyolpaktiskej toTajtsin?

Maka matikchiuakan tlen toTajtsin kitlauelita (1 Corintios 6:​9, 10)

Tla tiktlasojtlaj toTajtsin, maka matikchiuakan tlemach tlen kitlauelita.

Jehová xkineki matitlachtekikan, matitlauanikan, nion matiktekitiltikan drogas.

ToTajtsin xkuelita ijkuak se siuatl kitlajkali ikoneuj, ijkuak se tlakatl noteka iuan okse tlakatl niman ijkuak yakaj temiktia. Yejua xkineki matikileuikan tomin niman matouisokikan iuan oksekimej.

Maka matikinueyichiuakan tajtsitsintin nion maka matikchiuakan naualyotl.

Ipan xochitlalpan, xok nemiskej tlaltikpakchanejkej akin kichiuaj tlen xkuajli.

Matikinchiuilikan oksekimej tlen kuajli (Mateo 7:​12)

Tla tiknekij tikyolpaktiskej Jehová, noneki matikyejyekokan tikchiuaskej ken yejua.

Tikteititiskej ika titetlasojtlaj, tla tikuelitaj tiktetlayokoliskej tlen tikpiyaj.

Noneki maka matitekajkayauakan.

Matiteiknelikan niman matitetlapopoluikan.

Matikinnojnotsakan oksekimej itech toTajtsin (Isaías 43:​10).