¿Akinon itlauelikniuan toTajtsin?

Satanás iueyitlauelikniuj toTajtsin. Yejua se iluikaktekitketl akin xokitlakamat Jehová. Satanás ok kixnamiktika toTajtsin niman kintlajyouiltitika tlaltikpakchanejkej. Satanás yejua xkuajli, tlakajkayajketl niman temiktijketl (Juan 8:44).

Oksekimej iluikaktekitkej noijki ken Satanás xokitlakamatkej toTajtsin. Biblia kintokayotia xkuakualtin espíritus. Ijkon ken Satanás, xkuakualtin espíritus noijki intlauelikniuan tlaltikpakchanejkej. Kuelitaj tetlajyouiltiskej (Mateo 9:32, 33; 12:22). Jehová kipopolos iyeka Satanás niman xkuakualtin espíritus. Xok uejkauiskej kintlajyouiltijtoskej tlaltikpakchanejkej (Apocalipsis 12:12).

Tla tiknekij iuan touikaskej toTajtsin, xtikchiuaskej tlen Satanás kineki matikchiuakan. Satanás niman xkuakualtin espíritus kitlauelitaj Jehová. Itlauelikniuan toTajtsin kinekij noijki ijkon matochiuakan. Ika on noneki tiktlapejpeniskej akinon tiknekij tikpaktiskej, Satanás noso Jehová. Tla tiknekij tinemiskej nochipa, noneki tiktlapejpeniskej tikchiuaskej tlen toTajtsin kineki. Satanás kimati kenon kinkajkayauas tlaltikpakchanejkej niman kitekitiltia miyek tlemach tlen ika kinkajkayauas. Ijkon yokinkajkayauj miyekej (Apocalipsis 12:9).