¿Kenon uelis tinemis ika pakilistli iuan mochanejkauan?

Tla totlasojtlaj iuan tochanejkauan kichiuas matinemikan ika paktli (Efesios 5:33)

ToTajtsin kineki ika se tlakatl niman se siuatl manonamiktikan.

Se teueuentsin noneki makitlasojtla, makasikamati isiuauj niman makimalui.

Se tesiuauj noneki makipaleui iueuentsin.

Tekoneuan noneki makintlakamatikan intajuan.

Matiktlasojtlakan toixnamik niman maka matikajkayauakan nion matiktlajyouiltikan (Colosenses 3:​5, 8-​10)

ToTajtsin iTlajtol kijtoua ika teueuentsin noneki makitlasojtla isiuauj ijkon ken kitlasojtla itlalnakayo, niman tesiuauj noneki melak makitlakaita iueuentsin.

Xkuajli tla timoteka iuan okse akin xmoixnamik. Noijki xkuajli tla se tlakatl nemi iuan miyekej siuamej.

Jehová iTlajtol temachtia kenon uelis tinemis ika paktli iuan mochanejkauan.