¿Yakaj okichijchiuj nochi tlen onka?

Biblia kijtoua ika toTajtsin “okichijchiu in tlaltikpaktli niman nochi tlajtlamach” (Hechos 17:​24). ¿Tejua tikneltoka yejuin? Miyekej kijtouaj ika xakaj otlachijchiuj niman ika nochi san ijkon onesiko. ¿Tejua tlenon tiknemilia? ¿Melauak tlen miyekej kijtouaj? ¿Noso tiknemilia ika toTajtsin otlachijchiuj ijkon ken kijtoua Biblia? Niman tla yejuin melauak, ¿tleka otlachijchiuj?a Ipan yejuin tlamachtijli titlajtoskej itech yejuin.

1. ¿Kenijki onochijchiuj cielo niman tlaltikpaktli?

Biblia kijtoua: “Ijkuak nochi kemach opeu onkaj, Dios okichijchiu on cielo, on tlaltikpaktli niman nochi tlen onkaj” (Génesis 1:1). Kuakon, Biblia kijtoua ika cielo niman tlaltikpaktli xsan ijkon onesikoj, niman miyekej ixtlamatkej noijki ijkon kijtouaj. ¿Kenijki otlachijchiuj toTajtsin? Yejua okitekitilti iespíritu santo noso ikojtilis niman ijkon kinchijchiuas sitlalimej, planetas niman okseki tlen onka ipan cielo (Génesis 1:2).

2. ¿Tleka toTajtsin okichijchiuj tlaltikpaktli?

Jehová “okichijchiu in tlaltikpaktli niman kuajli okitlalij xpara san ijki onyas, yej para ipan ma chantikan on tlaltikpaktlakamej” (Isaías 45:​18). Yejua kinekiya ika nochimej ikoneuan nochipa machantikan ipan yejuin tlaltikpaktli, yejua ika, melak kualtsin ken okichijchiuj (xkita Isaías 40:​28 niman 42:5). Ixtlamatkej kijtouaj ika xonka okse planeta ijkon ken tlaltikpaktli. San ipan yejuin tlaltikpaktli onka nochi tlen noneki para ijkon uelis tiyoltoskej.

3. ¿Tlenon xueli kichiuaj yolkamej tlen tejuamej kema ueli tikchiuaj?

Ijkuak toTajtsin otlan kichijchiua tlaltikpaktli, aman opeuj kinchijchiua xiujtsitsintin niman yolkamej. Sakin, toTajtsin “okinchijchiu on tlaltikpaktlakamej, okinchijchiu sa no ijki ken yejua” (xkita Génesis 1:​27). Kuakon, pampa toTajtsin otexchijchiuj “san noijki ken yejua”, tejuamej ueli titetlasojtlaj niman titeikneliaj, itlaj tlen yolkamej xueli kichiuaj. Noijki ueli titlajtouaj okseki tlajtoltin, ueli tiyolpakij ijkuak tikinkakij tlakuikaltin niman ijkuak tikitaj tlen toTajtsin yokichijchiuj. Niman, tejuamej noijki ueli tikueyichiuaj toTajtsin.

OKSEKI XKASIKAMATI

Matikitakan tleka uelis tikneltokaskej ika toTajtsin otlachijchiuj ijkon ken kijtoua Biblia. Noijki matikitakan tleka tikijtouaj ika toTajtsin otexchijchiuj ken yejua.

4. ToTajtsin okichijchiuj nochi tlen onka niman tlen yoltika

Ixtlamatkej yokichijchiujkej miyek tlen yenkuik pampa yokitakej tlen toTajtsin yokichijchiuj. Ipampa yejuin, miyekej melak kinueyiteneuaj. San ika ¿tikmati akinon kinamiki matikueyiteneuakan? Xkitakan VIDEO niman xtlajtokan itech yejuin:

VIDEO: Tikneltokas itech toTajtsin (2:​43)

• ¿Tlenon yokichijchiujkej ixtlamatkej pampa yokitakej tlen toTajtsin yokichijchiuj?

Tikmatstokej ika se kajli xsan yejua nochijchiua, noneki yakaj kichijchiuas. San ika ¿akinon okichijchiuj nochi tlen onka? Xkitakan Hebreos 3:4 niman xtlajtokan itech yejuin:

• Itech nochi tlen okichijchiuj toTajtsin, ¿tlenon más tikuelita?

• ¿Uelis tikneltokaskej ika yakaj okichijchiuj nochi tlen onka? ¿Tleka ijkon tikijtoua?

¿Tikmatiya yejuin?

Ipan jw.org uelis tikinnextis okseki tlamachtiltin niman videos tlen techititiaj tleka uelis tikneltokaskej ika toTajtsin otlachijchiuj. Xkimita series “¿Yakaj okichijchiuj?” niman “Ken nonemilia ika ouajpeuj nemilistli”.

“Nochi kajli yakaj tlakatl kichijchiua, pero Dios yejua okichijchiu nochi tlajtlamach tlen onkaj”

5. Biblia techijlia kenijki toTajtsin otlachijchiuj

VIDEO: ¿Yakaj okichijchiuj nochi tlen onka? (san achijtsin) (3:​51)

• Biblia kijtoua ika toTajtsin otlachijchiuj ipan chikuasen tonaltin. San ika ¿cada se tonajli ouejkauj 24 horas?

• ¿Tiknemilia ika uelis tikneltokaskej tlen Biblia kijtoua? ¿Tleka ijkon tiknemilia?

Xkitakan Génesis 1:1 niman xtlajtokan itech yejuin:

• Miyekej ixtlamatkej kijtouaj ika xsan ijkon onesiko tlen onka ipan cielo niman ipan tlaltikpaktli. ¿Xmelak ika noijki yejon tlen kijtoua Biblia?

Miyekej kijtouaj ika toTajtsin okichijchiuj nochi tlen yoltika ika evolución. Kijtouaj ika toTajtsin okichijchiuj itlaj tlen melak pitentsin tlen itoka célula niman, ika yolik, yejuin célula onopatlatia niman ijkon onochijchiuj nochi tlen yoltika. Xkitakan Génesis 1:​21, 25, 27 niman xtlajtokan itech yejuin:

• ¿Kijtoua Biblia tla toTajtsin okichijchiuj nochi tlen yoltika ika evolución? ¿Tlenon techmachtia Biblia?

6. Melak kualtsin ken otexchijchiuj toTajtsin

Tejuamej ueli tikchiuaj seki tlemach tlen yolkamej xueli kichiuaj. Xkitakan Génesis 1:​26 niman xtlajtokan itech yejuin:

• Jehová otexchijchiuj ken yejua. Kuakon, tla tejuamej ueli titetlasojtlaj niman titeikneliaj, ¿tlenon noijki ueli kichiua Jehová?

TLEN OTIUEL

Jehová okichijchiuj nochi tlen onka ipan cielo niman ipan tlaltikpaktli.

¿Kenon titlanankiliskia?

• Miyekej kijtouaj ika san ijkon onesiko nochi tlen onka, san ika ¿tlenon temachtia Biblia?

• ¿ToTajtsin okichijchiuj nochi tlen yoltika ika evolución? ¿Tlenon temachtia Biblia?

• ¿Tleka ueli titetlasojtlaj niman titeikneliaj?

OKSEKI XKITA

Xkita tlenon techititia ika yakaj otlachijchiuj.

“Tlen onka ipan tlaltikpaktli techititia ika yakaj otlachijchiuj” (¡Xtlachiakan!, septiembre 2006)

Xkita kenijki se tajtli kititia ikoneuj ipan Biblia ika toTajtsin otlachijchiuj.

Jehová okichijchiuj nochi tlen onka (2:37)

Xkita tla toTajtsin okichijchiuj nochi tlen yoltika ika evolución.

“¿ToTajtsin okichijchiuj nochi tlen yoltika ika evolución?” (Tlamachtijli de jw.org)

Xkita tlenon kiteititia tlen ixtlamatkej yokinextijkej.

¿Kenijki opeuj nemilistli? Tlen noneki tikmatis (folleto)