TLAJTOLTILISTIN ITECH BIBLIA
¿Uelis tikmatis tlen melauak itech toTajtsin?
¿Tleka toTajtsin kineki matikixmatikan tlen melauak? xpoua Juan 17:3
ToTajtsin yononots iuan tlaltikpakchanejkej. Yokichiuj ika iespíritu santo noso ichikaualis tlen tekititok niman ijkon ouel okitlali tlen kinemilia ipan intlanemililuan akin okijkuilojkej Biblia (2 Pedro 1:20, 21). Kuakon uelis tikixmatiskej toTajtsin tla tikitaj iTlajtol. (Xpoua Juan 17:17 niman 2 Timoteo 3:16.)
Ipan Biblia toTajtsin techijlia miyek itech yejua. Techijlia tleka okinchijchiuj tlaltikpakchanejkej, tlenon kichiuas inpampa niman tlenon kineki makichiuakan (Hechos 17:24-27). Jehová kineki matikmatikan tlen melauak itech yejua. (Xpoua 1 Timoteo 2:3, 4.)
¿Kenon kinemilia toTajtsin itech akin kintejtemoua tlen melauak?
Jehová yejua toTajtsin akin kijtoua tlen melauak niman okuajtitlan iKoneuj, Jesucristo, matemachtiki tlen melauak. Ika yejon akin kintejtemouaj tlen melauak kiseliaj itlamachtil Jesús (Juan 18:37). ToTajtsin kineki makiueyichiuakan ken yejuin tlaltikpakchanejkej. (Xpoua Juan 4:23, 24.)
Satanás melak yokichiuj ika miyekej makitlalkauikan toTajtsin pampa yokijto itech tlen xmelauak (2 Corintios 4:3, 4). Akin xkinekij kimatiskej tlen melauak kuajli nomachiliaj ika tlamachtijli tlen xmelauak (Romanos 1:25). Ipan yejuin tonajli melak miyekej tlaltikpakchanejkej kinextiaj tlen melauak itech toTajtsin ijkuak nomachtiaj Biblia. (Xpoua Hechos 17:11.)