ITekiuajyo toTajtsin kichiuas ika nochimej makinextikan “inyolpakilis ika ueyi yolseuilistli” (Salmo 37:11).
¿Tlenon kijtoua Biblia?
¿Uelis techpaleuis Biblia matikixnamikikan tlen techajmana?
¿Kenon tiknemilia tejua?
Kema
Ka
Kanaj kema
Tlen Biblia kijtoua
“Xmaktilikan Dios nochi on tlajtlamach yejuan san nenkomatstokej pampa yejua kineki mechpaleuis” (1 Pedro 5:7). Biblia kuajli techijlia ika toTajtsin uelis techpaleuis niman ijkon maka sa matajmanakan.
¿Tlenon noijki uelis tomachtiskej itech Biblia?
Ijkuak tiknotsaj toTajtsin ika teoyotl, tikseliaj “yolseuilistli”, tlen kichiua maka sa matajmanakan (Filipenses 4:6, 7).
Noijki, tla tikpouaj iTlajtol toTajtsin techpaleuis matikxikokan tlen techkuaajmana (Mateo 11:28-30).
¿Yejkos tonajli ijkuak xok tajmanaskej?
Tlen sekimej kineltokaj Nemi akin kinemilia ika ajmantli kipiya ika topan nochiuas, niman oksekimej kinemiliaj ika ajmantli tlamis ipan okse nemilistli. ¿Tlenon tiknemilia tejua?
Tlen Biblia kijtoua
ToTajtsin kipopolos nochi tlen kichiua matajmanakan. “Xok onyas mikilistli, nion chokistli, nion ajmantli, nion kokolistli” (Apocalipsis 21:4).
¿Tlenon noijki uelis tomachtiskej itech Biblia?
Ijkuak iTekiuajyo toTajtsin kiyekanas tlaltikpaktli, tichantiskej ika toyojlo niman yolseuilistli (Isaías 32:18).
Xok onias tlen techajmanas (Isaías 65:17).