“Mauajla moTekiuajyo”, yejuin tlajtoltin miyekej yokijtokej
¿Kemantika yotiktlajtlanka mauajla iTekiuajyo toTajtsin? Ipan miyek xiujtin yejuin tlen miyekej yokitlajtlankej. ¿Tleka? Pampa Jesús okimijli inomachtijkauan makitlajtlanikan yejuin: “Mauajla moTekiuajyo”.
Inomachtijkauan Jesús xnochi kasikamatiyaj itech iTekiuajyo toTajtsin. Ika yejon, sejpatsin okitlajtoltijkej: “ToTEKO, ¿tikmanauis ipan in tonaltin in país de Israel para oksejpa iselti noyekanas?”. Kanaj okinmojkatlachialti ika Jesús xokimijli tlen kijtosnekiya (Hechos 1:6, 7). Kuakon, ¿yejon techasikamachiltia ika xuelis tikmatiskej tlenon kijtosneki iTekiuajyo toTajtsin niman kemanon tekiuajtis? Ka, xyejon kijtosneki.
Ipan yejuin revista nonankilis yejuin:
¿Tleka noneki iTekiuajyo toTajtsin?
¿Akinon tekiuajtis ipan yejuin Tekiuajyotl?
¿Kemanon tlayekanas ipan yejuin tlaltikpaktli?
¿Tlenon kichiuas iTekiuajyo toTajtsin?
¿Tleka noneki ika aman matikpaleuikan iTekiuajyo toTajtsin?
¿Tlenon kijtosneki iTekiuajyo toTajtsin?