Matomachtikan melak kuajli matitenojnotsakan: xteititi kenon titemachtia itech Biblia ika amoxtli Temachtia Biblia

Tleka melak noneki. Miyekej tlaltikpakchanejkej xkasikamati ijkuak kimijliaj makinmachtikan itech Biblia. Kanaj kinemiliaj ika melak miyek nomachtiskej noso nochiuaskej iteixpantijkauan Jehová. ¿Tleka xtikimititiaj kenon titemachtiaj itech Biblia? San ika seki minutos, uelis tikimititiskej ika xouijtika timomachtis Biblia niman melak tepaleui. Yejuin hasta uelis tikchiuaskej ipan inpuerta.

Kenon tikchiuaskej:

Tla yotitetlajpalo, xtlajtolti tla najmana itech tlen panos ika tlayekapan.
Xkijli ika miyekej kinmajmana yejuin. Kuakon xkititi tlamachtiltin tlen kipiya amoxtli Temachtia Biblia. Xkijli ika ipan yejuin amoxtli xouijtika tikasikamatis tlen Biblia temachtia itech tlen panos ika tlayekapan niman itech okseki. Sakin, xtlajtolti tlen capítulo kuelita.
Xmakuiti se amoxtli niman xtlapouili ipan capítulo tlen okitlapejpeni. Xkijli ika tlajtoltilistin tlen nesij kampa peua capítulo nonankiliskej ipan yejon párrafos.
Xtlajtolti tla kuelitaskia kipouas kachtopa párrafo. Sakin xchiuili tlajtoltilistli niman iuan xkita ken nonankilia. Xkititi niman xtomili se texto tlen kipaleuiya yejon tlanankilistli. Xkititi kenon tejua yotikneskayoti ipan moamox kampa nonankilia tlajtoltilistli.
Xkita okse párrafo. Aman xkijli san yejua makiyejyeko makinankili tlajtoltilistli.
Xkijli ika kuajli ken okichiuj niman iuan xmokaua kemanon oksejpa nemomachtiskej tlen poliui itech yejon capítulo.
Tla tikita kuajli yes, xkijli makita video ipan jw.org tlen itoka ¿Kenon nochiua se tlamachtijli itech Biblia?

Ipan yejuin metstli xyejyeko yejuin:

Xchiuili teoyotl Jehová niman makiteochiua ika timochikaua tiknextis akin peuas tikmachtis (2 Cor. 3:5).
Ijkuak tikisas titenojnotsas, maski san sejpa xyejyeko xteititi kenon titemachtiaj itech Biblia ika amoxtli Temachtia Biblia noso xteititi video ¿Kenon nochiua se tlamachtijli itech Biblia?