MATINEMIKAN KEN CRISTO
Matikchiuakan teoyotl ipampa tokniuan akin tlajyouiyaj
Ipan Biblia yonoijtoka ika Satanás techtlajyouiltiskia niman ijkon xtechkauiliskia matitenojnotsakan (Jn 15:20; Ap 12:17). ¿Uelis tikchiuaskej itlaj ipampa tokniuan akin tlajyouiyaj? Kema, uelis tikchiuaskej teoyotl inpampa. Biblia kijtoua ika iteoyouj se tlakatl yolmelaujki kipiya miyek kojtilistli (Snt 5:16).
¿Tlenon uelis tiktlajtlaniskej ipan yejon teoyotl? Matiktlajtlanilikan Jehová makinyolchikaua tokniuan niman makinpaleui maka manomojtikan (Isa 41:10-13). Noijki matikchiuakan teoyotl inpampa tekiuajkej niman ijkon, matechkauilikan matitenojnotsakan, ijkon “maka tikpiaskej, tlapajsoloualistli, yej ma onya yolseuilistli” (1Ti 2:1, 2).
Ijkuak Pablo niman Pedro okintlajyouiltijkej, tokniuan okichiujkej teoyotl inpampa niman okinteneujkej ika intoka (Hch 12:5; Ro 15:30, 31). Maski tla tejuamej, xtikmatij kenon intoka akin tlajyouijtokej, uelis tikteneuaskej ken itoka tlanechikojli, país noso kampa nemij.