Tlen uelis tikpanoltis ijkuak tosentlaliskej para tontenojnotsaskej

Ijkon ken nochi tlanechikoltin, ijkuak tosentlaliaj para tontenojnotsaskej noijki se itetlayokolil Jehová. ¿Tleka? Pampa techpaleuiya más matotlasojtlakan niman matikchiuakan tlen kuajli (Heb 10:24, 25). ¿Kech noneki uejkauis ijkuak tosentlaliskej para tontenojnotsaskej? 5 noso hasta 7 minutos, ipan yejon tiempo, tokniuj akin techkixtis techijlis akinon iuan titenojnotsaskej, kanon titenojnotsaskej niman kichiuas teoyotl. Niman noneki más notlasiuitis tla kemach yoontlan okse totlanechikol. Akin kinkixtis tokniuan noneki kipanoltis itlaj tlen kinpaleuis akin tenojnotsaskej ipan yejon tonajli. Ken ipan tonajli sábado, ijkuak kisaj miyekej tokniuan akin xkisaj ipan nochi semana, kanaj san uelis kimilnamiktis tlenon kimijliskej akin kinnojnotsaskej. ¿Tlenon más uelis tikpanoltis ijkuak tosentlaliskej para tontenojnotsaskej?

• Xtekitilti kampa kijtoua “Kenon peuas titenojnotsas”, tlen uajlauj ipan Nemilistli niman Tekitl ken Cristo. Tlen Tomachtiskej niman tlen Notekitiltis.

• Xkimijli kenon uelis peuas tenojnotsaskej ika se noticia noso tlen kemach yonochiuj.

• Xkimijli kenon uelis kinnankiliskej akin xkinkakisnekij.

• Xkimijli kenon uelis kinojnotsaskej yakaj akin xkineltoka ika nemi se toTajtsin, akin tlaneltoka itech evolución, yakaj akin tlajtoua okse tlajtojli noso akin kipiya okse religión.

• Xkimijli kenon kitekitiltiskej jw.org, JW Library^® noso Biblia.

• Xkimijli kenon uelis kintekitiltiskej amatlajkuiloltin tlen onkatij ipan Tlen ika titemachtiaj.

• Xkimijli kenon uelis tenojnotsaskej ika teléfono, kenon kinchijchiuaskej cartas, kenon tenojnotsaskej kampa tojlan nojuitilo, kenon uelis ika okpa ontetlajpaloskej noso temachtiskej.

• Xkimilnamikti ika noneki notlajpiyaskej, ika noneki tlajtoskej itech tlen kineki kimatis akin kinojnotstokej, ika noneki tetlakaitaskej, ika noneki yolpakiskej noso xkimijli okseki tlen uelis kinpaleuis.

• Xtlajto itech se tlamachtijli noso video tlen uajlauj ipan amatlajkuilojli Xmomachti kuajli titlaamapouas niman titemachtis.

• Xkimijli kenon uelis tikinyolchikauaskej niman tikinpaleuiskej akin imiuan titenojnotsaj.

• Xkinamapouili se texto tlen matlajto itech totenojnotsalis noso xkimijli itlaj tlen uelis kinyolchikauas.