MATINEMIKAN KEN CRISTO
¿Tlenon techmachtia tlen okichiuj Samuel?
Samuel nochipa oyolmelajkanen itech Jehová. Ijkuak konetl katka, xokinek kichiuas ken ikoneuan Elí, Hofní niman Finehás, akin kichiuayaj tlen xkuajli (1Sa 2:22-26). “Samuel onoskaltij, niman toTEKO okipaleuij” (1Sa 3:19). Yejua nochipa okitlakamat Jehová, hasta ijkuak oueuentsintiak, maski ikoneuan xijkon okichiujkej (1Sa 8:1-5).
¿Tlenon techmachtia tlen okichiuj Samuel? Telpokamej niman ichpokamej uelis kuajli kimatstoskej ika Jehová kasikamati tlen kixnamiktokej niman ken nomachiliaj. Yejua kinyolchikauas (Is 41:10, 13). Tajtin akin kinpiyaj inkoneuan akin yokitlalkauijkej Jehová, uelis kinpaleuis tla kitaj ika Samuel xokinchiualti ikoneuan makitekichiuilikan toTajtsin. Samuel nochi okikauj ipan imauan Jehová, itech omelajkanen niman okiyolpakti. Tla tajtin nochipa melajkanemij, uelis kinpaleuiskej inkoneuan oksejpa mauajnokuepakan itech Jehová.
XKITAKAN VIDEO TLEN INTECH TIUELIJ: SAMUEL, SAKIN XNANKILIKAN YEJUIN:
¿Kenon okiteititi Samuel ika yolchikauak ijkuak ok konetl katka?
¿Kenon okiteititi Danny ika yolchikauak katka?
¿Tlenon kuajli okichiuj Samuel ijkuak iueuentsin katka?
Jehová kinpaleuiya akin nochipa kichiuaj tlen kuajli.
¿Tlenon kuajli okichiujkej itajuan Danny?