MATINEMIKAN KEN CRISTO
Xmoita ijkon ken Jehová mitsita
“ToTEKO [Jehová] sanoyej paki iminuan itlapejpeniluan” (Sl 149:4). Maski titlajtlakolejkej, Jehová kita tlen kuajli tikchiuaj niman tlen uelis kuajli tikchiuaskej. San ika, kemantika kanaj xueli toitaj ken Jehová techita. Kanaj tiknemiliaj ika xtlaj ueli tikchiuaj noso ika xtechmelaua matechtlasojtla Jehová pampa sekimej xmás kuajli technotsaj, pampa texchiuiliaj tlen xkuajli noso pampa yeuejkaui otopopolojkej. Tla kemantika ijkon timomachiliani, ¿tlenon mitspaleuis maka ijkon xtlanemili?
Matikilnamikikan ika Jehová kita tlen tlaltikpakchanejkej xueli kitaj (1Sa 16:7). Kemantika, nion tejuamej xtikmatij tlenon tikpiyaj ipan toyojlo. San ika, Jehová kema kita nochi tlen ompa tikpiyaj. Biblia techpaleuiya matikmatikan tlenon techitilia Jehová. Tla tejua tikinamapoua seki tlaxeloltin itech Biblia, tikasikamatis kenon Jehová melak kintlasojtla itekipanojkauan.
XKITAKAN VIDEO XKASIKAMACHILTI MOYOJLO IKA JEHOVÁ MITSTLASOJTLA, SAKIN XNANKILIKAN YEJUIN:
¿Tlenon techmachtia itech Jehová neskayotl itech se tajtli niman ikoneuj akin notlaloua?
Tla yakaj akin yokichiujka se ueyi tlajtlakojli, yokichiuj nochi tlen noneki niman ijkon uelis oksejpa nouikas iuan Jehová, ¿tlenon uelis kichiuas niman ijkon kasikamachiltis iyojlo ika toTajtsin kitlasojtla? (1Jn 3:19, 20).
¿Kenon okipaleui tokniuj pampa okipouj niman otlanemili itech tlen ipan opanok David niman Jehosafat?