MATINEMIKAN KEN CRISTO
Tlayekankej kipaleuiyaj ikalpan Jehová
Miyekej xtlaneltokaj intech akin tlayekanaj. ¿Tleka? Pampa desde yeuejkaui, yonoitak ika miyekej akin tlayekanaj san tlanemiliaj itech kenon nopaleuiskej (Miq 7:3). ¡San ika, ipan ikalpan toTajtsin, xijkon panoua! Jehová kinmachtia tlayekankej para makinpaleuikan tokniuan akin nemij ipan tlanechikojli (Est 10:3; Mt 20:25, 26).
Tokniuan tlayekankej xkichiuaj ijkon ken akin tlayekanaj ipan yejuin tlaltikpaktli. Yejuamej kinpaleuiyaj oksekimej pampa kitlasojtlaj Jehová niman tokniuan (Jn 21:16; 1Pe 5:1-3). Tlayekankej kichiuaj ijkon ken Jesús kinnauatia niman kinpaleuiyaj nochimej tenojnotskej kuajli manomachilikan ipan ikalpan toTajtsin niman nochipa iuan manouikakan. Yejuamej sa kinektokej kinyolchikauaskej iborreguitos toTajtsin. Ijkuak tlaixpoliui noso yakaj peua kualo, yejuamej ompa nemij para tlapaleuiskej. Tla tikneki mamitspaleuikan, maka okpa xnemili niman xtlajto iuan se tlayekanketl akin nemi ipan motlanechikol (Snt 5:14).
XKITAKAN VIDEO TLAYEKANKEJ KUAJLI KINTLAJPIYAJ TOKNIUAN, SAKIN XNANKILIKAN YEJUIN:
¿Kenon onomachili Mariana pampa tlayekankej okipaleuijkej?
¿Kenon onomachili Elías pampa tlayekankej okipaleuijkej?
Aman ika yotikitak yejuin video, ¿tlenon tiknemilia itech intekiyo tlayekankej?