Thomas Jackson/Stone via Getty Images
¡NOCHIPA XKITSTO!
Ken uelis tiyolseujtoskej ipan 2024 | ¿Tlenon kijtoua Biblia?
Miyekej kinemiliaj ika nochi tlen xkuajli kixnamikis tlaltikpaktli ipan 2024, xakaj uelis kiyektlalis. San ika, onka itlaj tlen techyolseuiya. ¿Kanon uelis tiknextiskej?
Biblia techyolseuiya
Biblia kijtoua ika toTajtsin kiyektlalis nochi tlen aman techtlajyouiltia. Sa achijtsin poliui para toTajtsin “kimpopouilis [tlaltikpakchanejkej] nochi iminixayo, niman xok onyas mikilistli, nion chokistli, nion ajmantli, nion kokolistli” (Apocalipsis 21:4).
Tla tikneki okseki tikmatis itech tlen kichiuas toTajtsin, xkita tlamachtijli “La esperanza real de un mañana mejor”.
Ken uelis mitspaleuis Biblia aman
Tlen Biblia techijlia ika tikseliskej ika tlayekapan mitspaleuis maka melak xmajmana niman más xyolpaki (Romanos 15:13). Noijki tlen kijtoua Biblia mitspaleuis aman para xkixnamiki tlen ouijtika ken kokolistin, tla xtikpiya tomin noso tla itlaj xkuajli mitschiuiliaj.
Xkita ika tlen Biblia techijlia ika tikseliskej ika tlayekapan okipaleui se tlakatl mayolpaki niman mayolseujto maski okiskaltijkej kampa xkipiayaj tomin. Xkita video Juan Pablo Zermeño: Jehová okichiuj maniyolpaki.
Xkita kenon Biblia uelis mitspaleuis ijkuak miki se akin tiktlasojtla para maka xmotlajtlakolti noso maka sajnoye xmajmana. Xkita tlamachtijli “¿Puedo encontrar consuelo en la Biblia?”.
Xkita kenon Biblia okipaleui se siuatl akin melak ouejkauj ipan ejército, maski san noyejua kijtouaya ika xyolpakiya niman xteikneliaya. Xkita video “Cambié las armas por la Biblia”.
¿Nenkuelitaskiaj tejua iuan mofamilia kuajli ninemiskej ipan 2024? Biblia uelis mechpaleuis. Tikuelitaskiaj xkita kenon titemachtiaj niman xkita kenon toTajtsin uelis mitsmakas “yolseuilistli, [...] se kuajli nemilistli niman tlamachialistli” (Jeremías 29:11, Traducción del Nuevo Mundo).