¿Tleka iteixpantijkauan Jehová ijkon onotokayotijkej?

Biblia kijtoua ika toTajtsin itoka Jehová (Éxodo 6:3; Salmo 83:18). Niman se teixpantijketl kijtosneki yakaj akin kijtoua tlen yemelak opanok noso kiteijlia tlen okitak.

Ika yejon, pampa tikchiuaj ken Cristo, tikteijliaj tlen melauak itech Jehová akin okichijchiuj nochi tlen onka niman melak kuajli technamiki matotokayotikan iteixpantijkauan Jehová (Apocalipsis [Revelación] 4:11). Noijki tikinteixpantiliaj oksekimej ijkuak tikimijliaj tlen yotiuelkej ipan Biblia niman ika tlen tikchiuaj ipan tonemilis (Isaías 43:10-12; 1 Pedro 2:12).