TLAMACHTIJLI 4

Xchiua makimatikan tleka tikpoua se tlaxelojli

Mateo 22:41-45

TLEN TIUELIS: Ijkuak tikpouas se itlaxelol Biblia, kachtopa xyektlali intlanemilil akin mitskaktokej.

Xnemili tleka tikpouas se tlaxelojli. Ijkuak xitikpoua, xkijto itlaj tlen kinpaleuis akin mitskaktokej makinemilikan tlen tlamachtijli tikneki kuajli makimatikan.

Kuajli xkita tlenon noijtoua ikuitlapan niman iyekapan yejon tlaxelojli. Xkijto akinon okijto yejon tlaxelojli niman akinon okijkuilo yejon amoxtli tlen onka ipan Biblia.
Xteititi ika Biblia melauak tlen kijtoua. Ijkuak tikinnojnotsas akin ikineltokaj toTajtsin, xkimititi ika Biblia yemelak iTlajtol toTajtsin niman, ika yejon, ompa ualeua ueyi tlamachilistli.
Xchiua makinekikan kikakiskej itlaxeloluan Biblia. Xtetlajtolti itlaj tlen kinankilis yejon tlaxelojli, xkijto se tlauejli tlen kixnamikij kampa uelis kinpaleuis yejon tlaxelojli noso se itlajtolyekanalis Biblia tlen ompa noteneua.

Xnemili itech tlenon ikimatij akin mitskaktokej itech motlamachtil niman itech itlaxelol Biblia. Ijkuak tikinteititis tlaxeloltin, xchiua ika makuelitakan maski melak ikixmatij, niman xkinpaleui akin mitskaktokej kuajli makasikamatikan noso makimatikan okseki itech yejon tlaxelojli.