Manatu Nakai e Koe?

Kua loto fakaaue nakai a koe he totou ke he tau fufuta foou he Ko e Kolo Toko? Lali la mogoia ke kitia ko e maeke nakai a koe ke tali e tau hūhū i lalo:

• Fakaaoga nakai he tau Kerisiano mooli e higoa he Atua ko e mena mana?

Falu tagata ne onoono ke he taha mena fakatai po ke fakamailoga mo mana, ko e mena fakamonuina ka puipui a lautolu fakamana, ka e nakai onoono e tau tagata he Atua ke eke pihia e higoa haana. Ne tua a lautolu ki a Iehova mo e kumi ke taute e finagalo haana, ti malu ke he higoa haana. (Sefa. 3:12, 13)—1/15, lau 5-6.

• Ko e ha ne tiaki e Iehova e Patuiki ko Saulo?

Na lata a Saulo ke fakatali ke he perofeta he Atua ke huhunu e poa, ka e nakai omaoma e patuiki, ti taute ni e ia e poa. Fakamui, ne nakai omaoma e ia e poaki ke moumou katoatoa e tau tagata ne fī.—2/15, lau 22-23.

• Fakakite fēfē e tautolu kua vihiatia e tautolu e mahani hepehepe?

To maeke a tautolu ke tumau ke mailoga e tuaga he kava, kalo kehe he tau lagatau taulātua, mo e omaoma e hatakiaga ha Iesu ke he mahani feuaki. Ma e fakatai, to kalo mai a tautolu he tau ata telefua mo e tau mena fakatai ne liga fakatupu i ai. (Mata. 5:27, 28) To nakai lafi foki a tautolu mo e tau tagata kua tuku ki tua.—2/15, lau 29-32.

• Puhala fe ne tuga e akau a Ieremia “kua to ke he tapa vai, kua totolo hana tau vaka”? (Iere. 17:7, 8)

Ne fua mai ni hana tau fua; ti nakai fakaatā e ia a ia ke fakaohooho he tau tagata vaiga kelea. Ka kua fakatumau a ia ke he Punaaga he “vai” foaki moui mo e uta ke he loto e tau mena oti ne tala age he Atua ki a ia.—3/15, lau 14.

• Ko e ha kua maeke ia tautolu ke talitonu ko e kaina ko Etena ko e matakavi mooli?

Kua fakakite ai he Tohi Tapu kua mooli, ti talahau e tau mena pauaki hagaao ke he matakavi. Ua e vailele ne talahau he tala hane tafe he vahā nei. Nakai talahau pihia he tau tala tuai po ke tala fakatai. Ko Iesu ko e Fakamoli ne moolioli, ne vagahau hagaao ki a Atamu mo Eva ko e tau tagata mooli.—4/1, lau 5-6, 9.

• Iloa nakai he Atua to agahala a Atamu mo Eva?

Nakai. Ne age e Iehova ki a laua e lotomatala mo e atāina ke fifili, ke fakamalolō a laua ke fifili ke omaoma po ke nakai. Pete he fioia tuai, ne fakagahua he Atua e lotomatala ia.—4/1, lau 13-15.

• Fēfē e fale ne liga nofo ai a Aperahamo?

Ato nonofo he tau fale ie, ko Aperahamo mo e hoana haana ne nonofo he maaga monuina i Kaletaia ko Uro. He magaaho ne keli hake a Uro ko Iraka he vahā nei, ne moua e lautolu e falu fale ne tālaga aki e tau piliki, mo e lotouho he lotopā ne ati aki e tau maka, mo e fakatokaaga ke fakatafe e vai kua fakaaoga. He tau fale lalahi, ne igatia e tau poko tali fenoga mo e tau falevao ha lautolu. Fata ua falu fale. Ne kitia ai ko e tau fale anei he tau tagata ne fai monuina.—4/1, lau 19.