Perofetaaga 4. Nakai Fai Fakaalofa Pauaki

“Ko e tau tagata to . . . nakai fai fakaalofa hofihofi ma e tau magafaoa ha lautolu.”​—2 TIMOTEO 3:1-3, God’s Word Bible

● Gahua a Chris he matakau lagomatai ke he tau favale he kaina i North Wales. “Manatu e au taha e fifine ne hau kua keli fakakelea ti nakai mailoga e au a ia mai he mogo kua mole ne kitia e au a ia,” he ui e Chris. “Falu fifine ne kua mamahi lahi e tau logonaaga ti nakai maeke foki ke lagaki hake e tau mata he foloa.”

KO E HEIGOA NE FAKAKITE HE TAU MENA TUTUPU? He taha motu i Aferika, kavi ke 1 mai he 3 e fifine ne fakakelea he mahani feuaki mai he tote. Ne taute e kumikumiaga he motu ia foki ti moua ko e molea e taha mai he tolu e tagata taane ne logona hifo kua latatonu ke keli e tau hoana ha lautolu. Ka e nakai ni ko e tau fifine ne lauia noa ke he favale he kaina. Ma e fakatai, i Kanatā kua teitei 3 mai he 10 e tagata taane ne tafolo po ke ekefakakelea foki he tau hoa ha lautolu.

KO E HEIGOA E TOTOKOAGA FA MAHANI? Kua ha ha i ai tumau e favale he kaina. Ko e lahi laia e onoonoaga ki ai mogonei nakai pihia fakamua.

AOGA NAKAI E TOTOKOAGA IA? Kua tupu lahi e mailoga he favale he kaina he tau hogofulu tau e kua mole. He mailoga lahi e lekua, kua fakatote hifo kia e numera he tau favale ne tutupu he kaina? Nakai, ai la pihia. Kua holo ni ki mua e nakai fai fakaalofa pauaki.

KO E HEIGOA E MANATU HAAU? Kua fakamooli kia e 2 Timoteo 3:1-3? Tokologa kia kua nakai moua e fakaalofa ma e tau magafaoa ha lautolu nukua lata ke tupu pauaki?

Ko e perofetaaga ke limaaki kua kitia e koe hane fakamooli kua putoia e ha tautolu a kaina, ko e lalolagi. Manamanatu ke he mena ne talahau he Tohi Tapu ke he matakupu nai.

[Blurb he lau 7]

“Mooli ai ko e favale he kaina ko e taha he tau matahavala ne tote lahi e hokotaki mai he tau tagata. He evalesi ko e taha e fifine kua keli he haana a hoa laga 35 ato hea ke he leoleo.”​—A SPOKESWOMAN FOR WALES DOMESTIC ABUSE HELPLINE.