TAU HŪHŪ TOHI TAPU KUA TALI

Fēfē e vahā anoiha ma e tau tagata?

To matutaki e tau tagata ke holo ki mua fakasaiene. Ka e maeke nakai a lautolu ke fakatū e fakatokaaga he tau tagata ne leveki mooli he taha e taha? Nakai. Kua omoomoi he mahani fulukovi mo e lotokai e lalolagi he vahā nei. Pete he pihia, kua fai mena mitaki ne finagalo he Atua ma e magafaoa he tagata.​—Totou 2 Peteru 3:13.

Ne fakamaama he Kupu he Atua ko e tau tagata he lalolagi anoiha to fakaalofa e taha ke he taha. To nonofo haohao mitaki e tau tagata, mo e to nakai fai tagata ke fakamamahi a lautolu.​—Totou Mika 4:3, 4.

To utakehe fēfē e lotokai?

Ne nakai lotokai e tagata he magaaho ne tufuga ai he Atua. Ka kua fifili he tagata uluaki ke liuliu ke he Atua, ne galo ai e mitaki katoatoa haana. Ne moua e tautolu e hihiga ke lotokai mai ia ia. Ka e to fakaaoga he Atua a Iesu ke liuaki e tau tagata ke mitaki katoatoa.​—Totou Roma 7:21, 24, 25.

He felauaki mo e finagalo he Atua, ne mate a Iesu mo poa mo e utakehe ai e lauiaaga kelea he liuliu he tagata uluaki. (Roma 5:19) Ti fakatoka e Iesu e fakavēaga ma e amaamanakiaga mitaki lahi ke he anoiha ka atāina e tau tagata mai he lotokai ke taute e mena hepe.​—Totou Salamo 37:9-11.