Tau Feleveiaaga Fekafekau ma Ianuari

Fahi Tapu Kamata ia Ianuari 5

Lologo 10

10 minu: Tau fakailoaaga he matakavi. Tau Fakailoaaga ne fifili mai he Ha Tautolu a Fekafekauaga he Kautu.

17 minu: “Fiafia he Talahau Fakatonu Atu.” Fakatutala e toloaga ke he vala tala. Fakakite e tau mena aoga he fakataitaiaga mitaki: (1) Fakakite e fakafeleveia kapitiga, (2) tutala po ke huhu hagaao ke he matakupu tupu fou, (3) hagaaki ke he kupu Tohi kua lata, mo e (4) hagaaki e fiafia ke he tohi ne foaki. Kia fakataitai he tagata fakailoa kua lata e fakataitaiaga fakamua mo e liu ahi atu fakamua.

18 minu: Hokotaki e Tauteaga ha Tautolu ke he Gahua Fakamatala he Lalolagi Katoa. (Fakave ke he tohi Our Ministry, lau 100-2, 106-10) Lauga mo e fakatutala ne taute he tohikupu. He oti e fakakite e faka-Tohiaga Tapu ne mua ke hokotaki tumau e gahua ha tautolu, uiina e ia tokoua e tau fekafekau lagomatai ke liu fakamanatu e mataulu tala “Ko e Ha kua Hokotaki e Fekafekauaga ha Tautolu he Fonua.” Kua peehi he tohikupu e aoga he tuku fakamafiti e tau hokotaki hako. Kua fakakite age e ia e tau kakano kua aoga lahi he fakatoka e tau foliaga fakatagata, fakaoti aki e tau talahauaga fakamalolo hagaao ke he tau fakamonuinaaga ma lautolu ne fakalataha katoatoa ke he gahua fakamatala.

Lologo 142 mo e liogi fakaoti.

Fahi Tapu Kamata ia Ianuari 12

Lologo 125

10 minu: Tau fakailoaaga he matakavi. Hokotaki fakamauaga tupe.

15 minu: “Fakaaoga Fakamitaki e Tau Laupepa Fakailoa.” Fakatutalaaga he toloaga. Putoia ai e tala tupu moli he Watchtower, Tesemo 1, 1996, lau 13, paratafa 15.

20 minu: “Foaki e Iehova e Lahi Ue Atu he Malolo.” Tau huhu mo e tau tali. (Kikite w90 7/15 19, paratafa 15-16.) Fakatoka ma e falu ke talahau e tau mena tutupu fakamalolo he fakakite e puhala kua fakamalolo e Iehova a lautolu.

Lologo 81 mo e liogi fakaoti.

Fahi Tapu Kamata ia Ianuari 19

Lologo 1

10 minu: Tau fakailoaaga he matakavi.

15 minu: Tau mena kua lata mo e fakapotopotoaga.

20 minu: Fakaakoaga Magafaoa kua Ta Mai e Olioli. Fakatutala he hoa mau e tau mena fakaagaga kua lata mo e magafaoa ha laua. Kapeletu ai ke he tau fakaohoohoaga he lalolagi kua lauia ai e tau fanau ha laua ke he puhala kelea, ti kua logona e laua e lata ke fakamalolo e moui fakaagaga he tau fanau ha laua ka e fakakite ko e fakaakoaga he magafaoa ha laua kua nakai tumau mo e nakai lauia mitaki. Fakalataha ai, kua onoono a laua ke he tau puhala mitaki ke taute e fakaakoaga fakamagafaoa kua kakano lahi ne kua fakakite he Watchtower, Aokuso 1, 1997, lau 26-9. Kua fifili tokoua ke muitua ke he puipuiaga he moui fakaagaga he tau fanau ha laua.

Lologo 146 mo e liogi fakaoti.

Fahi Tapu Kamata ia Ianuari 26

Lologo 187

10 minu: Tau fakailoaaga he matakavi. Liu fakamanatu e tohi ka foaki ia Fepuari. Talahau taha po ke ua e manatu mai he tohi Kupu Mooli ka maeke ke lagomatai he foaki ai.

15 minu: “Kia Fakalilifu e Tapuakiaga ha Iehova.” Tau huhu mo e tau tali. Ke lauga he motua, ne kua lata ke talahau totonu e tau fakagahuaaga he fakapotopotoaga.

20 minu: Mau Tauteute Mogonei ke Toto Mau e Fakatufono he Atua ke he Toto. Fakatutala he motua lotomatala e aoga he fakapuke e lau Advance Medical Directive/​Release. Ko e fakatokaaga mai he agaga ia Salamo 19:7 ne fakakite ko e Gahua 15:28, 29 e fakakiteaga he fakatufono mitaki katoatoa he Atua ke he toto. Ko e tau tagata tapuaki fakamoli kua lali ke toto mau e fakatufono ia. Ko e fakamoliaga nei kua fakailoa ai e fifiliaga hau ke taute pihia mo e vagahau ma hau ka nakai maeke ia koe ke vagahau. (Fakatatai Tau Fakatai 22:3.) Ko e laupepa fou kua foaki e fakamoliaga fou he nakai talia hau ke he toto. He muitua ke he puhala nei, ko e Tau Fakamoli papatiso kua manako ke moua e laupepa fou nei ka age taha ki ai, mo lautolu ne nakai la papatiso e tau tama ke moua e Identity Card ke igatia e fanau. Ko e tau laupepa nei to nakai fakapuke ai a magaaho. To fakapuke fakamitaki ai he kaina ka e NAKAI saini. Ko e saini, fakamoli, mo e tohi e aho he tau laupepa oti ka taute he oti e Fakaakoaga Tohi he Fakapotopotoaga ka hau, i lalo hifo he takitakiaga he takitaki he fakaakoaga tohi. To mailoga moli he mena nei ko lautolu oti ne o atu ke he matakau hana ne manako ke fakakatoatoa e puhala fakaekekafo nei kua moua e lagomataiaga. Ko lautolu oti ka saini mo tau tagata fakamoli kua lata ke kitia moli e tagata ne saini e laupepa. Ko e ha tagata ka nakai hoko atu he magaaho ia mo e kua manako ke fakapuke mo e saini e laupepa ka lagomatai he tau tagata ne takitaki/tau motua he Aoga Fekafekau hake ato tohi katoa fakamitaki e tau laupepa ha lautolu ko e tau tagata fakailoa papatiso. (Liu fakamanatu e tohi ia Oketopa 15, 1991 mo e ia Novema 26, 1997.) He muitua ke he tau kupu he laupepa nei ke he tau tutuaga mo e tau fifiliaga ha lautolu ni, to tohi ni he tau tagata fakailoa nakai la papatiso ha lautolu ni a puhala ke fakaaoga e lautolu mo e tau tama ha lautolu.

Lologo 189 mo e liogi fakaoti.