Tau Feleveiaaga Fekafekau ma Oketopa
Fahi Tapu Kamata ia Oketopa 5
Lologo 199
10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Peehi fakalahi e aho mekasini ne fakatokatoka ke gahua he fakapotopotoaga hau.
15 minu: “Kia Eke mo Kerisiano Fakamalolo.” Tau tali mo e tau huhu. Fakaaoga taha fakatata ku ke he paratafa 3. Fakakite he mena nei e loto moli mo e puhala mukamuka he matakainaga tane po ke fifine hagaao ke foaki e fakamafanaaga.
20 minu: “‘Gana e Tega he Kautu’ he Tau Fakaholoaga Mekasini.” Fakatutala auloa. Fifili e falu ke fakamaama mai e puhala ke kamata mo e taute tumau e hala mekasini. Ati fakatata e fakatutalaaga mekasini ne fakakite e fakatokaaga ke liliu aahi atu mo e fufuta fou. Talahau e puhala lotomatala ke lata mo e mena fakaalofa.
Lologo 133 mo e liogi fakaoti.
Fahi Tapu Kamata ia Oketopa 12
Lologo 42
5 minu: Tau fakailoaaga he matakavi. Fakailoa e tupe.
10 minu: “Tau Leveki Takitaki—Ko e Tohi Kupu.” Lauga he tohikupu he fakapotopotoaga, ke talahau e tau gahua kotofa hana. Fakamafana oti ke gahua auloa ke tuku fakamafiti e tau hokotaki he fonua.
10 minu: Moua e Lautolu e Agaga Paionia Fakaohooho. Lauga fakamalolo ne fakave he 1998 Yearbook, lau 104-7. Fakamaama e kakano ne tokologa e tau paionia i Sapani, e puhala ne fakaata e tau matua fifine kaina ke tuku fakamua e tau mena fakaagaga, ko e heigoa e mena ne lata ke taute ke lata ke paionia, mo e mai fe e tau paionia ne tokologa lahi. Talahau e fifitakiaga mitaki ne mai he tau mamatua ne paionia. Peehi e fakamoliaga ke hikihiki e tau mena he momoui he taha ke maeke ke paionia. Fakamalolo oti ke liogi fakalahi, ke liu kikite e tau manamanatuaga kua maeke nakai ia lautolu ke paionia.
20 minu: “Totou Nakai e Koe e Tau Mekasini?” Tau huhu mo e tau tali. Liu fakamanatu e tau fakaohoohoaga ke setulu e tau magaaho totou fakatagata ne kua kikite mai he School Guidebook, fakaakoaga 4, paratafa 5-6.
Lologo 107 mo e liogi fakaoti.
Fahi Tapu Kamata ia Oketopa 19
Lologo 16
10 minu: Tau fakailoaaga he matakavi. Liu fafati mai e tau manatu he tau mekasini fufuta fou. Talahau e tau gahua mai he 1997 Yearbook, lau 45, mo e Awake!, Oketopa 22, 1996, lau 32. Fakamalolo oti ke gahua auloa he tufatufa e tau mekasini he matahiku he fahitapu nei.
15 minu: Tau mena kua lata ma e fakapotopotoaga.
20 minu: Puhala ke Tauteute ma e Fakaakoaga Kolo Toko. Fakatutala auloa ne taute he takitaki Fakaakoaga Kolo Toko, ne fakave he Watchtower, Me 15, 1986, lau 19-20, paratafa 16-18 mo e he School Guidebook, fakaakoaga 7, paratafa 11, mo e fakaakoaga 18, paratafa 4-6. Ui ma e tau talahauaga ke he tau huhu na: (1) Ko e ha kua lata lahi ke fakamakutu e fakaakoaga ke he tau vala tala takitaha he Kolo Toko? (2) Ko e heigoa ha tautolu kua lata ke taute ka moua e fufuta fou? (3) Ko e heigoa e puhala mitaki ke tauteute ma e Fakaakoaga Kolo Toko? (4) Ko e heigoa e kitekiteaga ne lata ke taute aki e tau kupu Tohi totoku mo e mataulu he fakaakoaga? (5) Maeke fefe ia tautolu ke liu fakamanatu e tau mena ha tautolu ne ako? (6) Heigoa e tau matapatu manatu ne lata ke manamanatu ki ai a tautolu ka oti e akoaga fakatagata he fakaakoaga? (7) Maeke fefe ia tautolu ke tauteute ha tali? (8) Maeke fefe ke tali lagaloga ka e taha ni e huhu? Fifili e falu ke talahau e puhala ne fakaaoga e lautolu ke moua mai e aoga he Fakaakoaga Kolo Toko.—Kikite foki e Organized to Accomplish Our Ministry, lau 65-7.
Lologo 95 mo e liogi fakaoti.
Fahi Tapu Kamata ia Oketopa 26
Lologo 98
10 minu: Tau fakailoaaga he matakavi. Talahau e tau tohi tuai he tokaaga he fakapotopotoaga ti maeke ke foaki he fonua he tau magaaho kua lata. Ha kua fai okiokiaga ia Tesemo mo Ianuari, ko e mogo mitaki a ia ma e tau fuata ne papatiso mo e falu foki ke manamanatu ke paionia fakaku.
20 minu: Ke Omaoma Faka-Atua he Kaina Mavehevehe Fakalotu. Lauga ne fakave he Kolo Toko, Iuni 1, 1995, lau 26-9. Fakamafana fakatekiteki mo e tomatoma age ki a lautolu he tau hoa nakai talitonu ke lagomatai ke taute tumau e mahani loto matala mo e feoaki tumau mo e fakapotopotoaga.
15 minu: Hohoko ke he Tau Feleveiaaga he Magaaho Tonu. Ke ua po ke tolu e tau takitaki Fakaakoaga Tohi he Fakapotopotoaga po ke tau fekafekau lagomatai ke fakatutala hagaao he hohoko mule ke he tau feleveiaaga. Mailoga e lautolu kua loga e tau mena ne fa tutupu, tuga e tau mena tutupu fakaofo, aga he matagi, tau motoka he puhalatu, mo e tau mena pihia, ka maeke ke fakamule e taha. Ka e, mau ni e falu he mule tumau. He puhala ke ati hake, tutala e kau mo e fakakite e puhala ke maeke ke o mai fakamafiti: (1) he loto fakaaue katoa he kotofaaga ke o atu ke he tau feleveiaaga mo e he tau mena kai fakaagaga mo e fakalatahaaga ne moua mai i ai, (2) ke tauteute fakamitaki mua mo e fakatokatoka e tau gahua fakatagata, (3) ke gahua auloa fakamakai e tau tagata he magafaoa, (4) ke finatu tuai ke fakaata ma e magaaho ka fai lekua tokia, mo e (5) ke maimaina moli ke nakai fakalavelave atu a lautolu ne fanogonogo. Ti talia oti ko e lekua nai he hohoko mai mule kua maeke ke fakahako ka gahua tumau ke tolomaki ki ai.
Lologo 86 mo e liogi fakaoti.