Setulu he Tau Feleveiaaga Fekafekau
Fahi Tapu Kamata ia Sepetema 11
Lologo 139
10 minu: Tau fakailoaaga he matakavi. Ti fifili mai e Tau Fakailoaaga he Ha Tautolu a Fekafekauaga he Kautu.
15 min: “Ko e Monuina a Iehova ke Mauokafua Ai a Tautolu.” Fakakaupa e kamataaga ke nakai molea e minuti, ti tutaki mo e tutalaaga fetaliaki.—Kikite Insight, Volume 2, lau 804, paratafa 6-7.
20 minu: “Fakaaoga e tau Tala Fou ke Fakaohooho e Manatuaga.” Fakatutala auloa mo e taute e tau fakataiaga. Futiaki mai e falu tala fou ne fakaohooho e manatu he tau tagata. Kua fakaohooho fefe he tau mena nei e hagaaoaga ke he tau aho amui? Fakaaoga e tohi Reasoning, lau 10-11, kia foaki e falu puhala ke kamata ai e tutalaaga ati tutaki atu ke he Tohi Tapu. Fakatokatoka fakamitaki ke ua e fakataiaga.
Lologo 224 mo e liogi fakaoti.
Fahi Tapu Kamata ia Sepetema 18
Lologo 2
10 minu: Tau fakailoaaga he matakavi. Fakailoa e tupe.
15 min: Heigoa ha Tautolu ne Taute he Tau kua Mole? Lauga he leveki fekafekau. Kia futiaki mai e tau tala fuluola he fakailoaaga he fakapotopotoaga hagaao ke he fekafekauaga ma e tau 2000. Foaki e fakaaueina he tau mena mitaki ne taute. Fakakite e tau mena ke liu folia mo e fakagahuahua. Kia ono fakamahao ke he tolomakiaga he fakapotopotoaga, he kamata mo e taute e tau fakaakoaga Tohi Tapu, mo e fakalataha tumau he gahua fekafekauaga. Folafola e tau foliaga ke fakagahuahua he tau ka hau.
20 minu: “Kua Matematekelea Lahi e Tau Momoui!” Fakatutala auloa. Fakamatafeiga ai e tau kupu Tohi ne totoku mai he vala tala.
Lologo 30 mo e liogi fakaoti.
Fahi Tapu Kamata ia Sepetema 25
Lologo 93
15 min: Tau fakailoaaga he matakavi. Fakamanatu e tau tagata fakamatala ke tuku e tau hokotaki he fekafekauaga ia Sepetema. Ti matutaki ke he Puha Huhu.
15 min: Tau mena kua lata mo e fakapotopotoaga.
15 min: Nakai Galo e Aoga he tau Mekasini ha Tautolu. Heigoa hau fa taute mo e tau mekasini tuai Ko e Kolo Toko mo e Awake! ka tatumu hake? Falu tagata fakamatala ne liti kehe a lautolu, he manatu kua mole atu tai. Nakai, ne fakalaga mai he Our Kingdom Ministry, Sepetema 1993, lau 7, ki a tautolu ke uta e falu fufuta tuai mo e foaki atu ai kaeke lata. Fifili e koe e tau vala tala ne fa lauia mo e tau tagata tane, tau fifine, tau tagata feua, tau patu motua, mo e tau fuata; ati amaamanaki ke foaki e tau mekasini he tau magaaho kua lata. Taute e fakataiaga he puhala ke fifili e tau vala tala mo e foaki. Ti talahau e falu talahauaga ne kautu he tau tagata fakamatala ha kua foaki e tau mekasini tuai.
Lologo 115 mo e liogi fakaoti.
Fahi Tapu Kamata ia Oketopa 2
Lologo 169
15 min: Tau fakailoaaga he matakavi. Fakailoa ke he fakapotopotoaga e tufatufaaga pauaki ne pulega ke taute he Tau Tala he Kautu Nu. 36, kia kamata he Aho Gofua, Oketopa 16, ati tutaki atu ke he Aho Faraile, Novema 17. Fakamakamaka oti, lafi ke he tau fuata mo lautolu ne fou, ke o mai ke gahua auloa. Kia lata he tau takitaki fakaakoaga tohi he magaaho nei he igatia mo e kamata ke fakatokatoka mo e fakalagalaga ha lautolu a tau matakau ke ekegahua mo e fiafia lahi. Lafi foki mai e tau tala ati hake he tau magaaho fakamua ne tufatufa ai e Tau Tala he Kautu.
15 min: “Lata Kia Au ke Fano Kehe?” Lauga he motua. Fakamaama kua ha ne tomatoma ke taute tau mena fakailoilo kaeke kua fifili ke fano paea. Tutala ke he tau puhala aoga ne tomatoma mai he Tau Fakatai 22:3. Talahau foki e tau tomatoma he Aokuso 15, 1988, Watchtower, lau 22.
15 min: Talahauaga he Kamata he tau Tutalaaga. Kua tomatoma mai he Feleveiaaga Fekafekau he fahitapu ia Sepetema 11, ki a tautolu ke fakatupu e tau hala ke omoomoi e tau tala fou mo e fakaohooho e manatuaga ke kamata ai e tau tutalaaga he fekafekauaga. Uiina e tau tagata fanogonogo ke talahau la e tau fua mitaki ne moua kia lautolu ha kua fakaaoga e tau puhala nei.
Lologo 205 mo e liogi fakaoti.