Kia Fanogonogo: Tau Leveki he Maaga

Kua huhu mai he falu magaaho: “Kua lata ke fakamau hifo fefe e tau kaina he Tau Fakamoli a Iehova he tau tohi telefoni?” Kua fakatoka atu e tali: He tau maaga ne molea ai taha e fakapotopotoaga, kua tomatoma atu ke tohi pehe: Tau Fakamoli a Iehova, (Maaga), ti mui atu kia fakatokatoka e higoa hagaao ke he matatohi, e kaina ne tu e Fale he Kautu, mo e numera foni he tau fakapotopotoaga.

Kua fakakite mai he tau fakailoaaga kua loga e tau fakapotopotoaga ne nakala fakamau hifo e tau Fale he Kautu ha lautolu po kua nakai fakamau hifo fakahako. Kua tupu mai e falu lekua ha ko e tau mena nei, au atu he tau maaga lalahi ne loga e tau fakapotopotoaga. Kua ole atu e mautolu e tau leveki he maaga ke fakamakaukau mo e liu kikite la e tau fakapotopotoaga ne fakamau hifo he tau matakavi ha mutolu. Kaeke kua hepe po kua galomoki e tohiaga, kia fakailoa atu e leveki he maaga ki a lautolu ne lomi e tau tohi telefoni ke fakahako po ke lafi ke he ha mena ne kua lata, ti muitua fakatekiteki e tau fakatokatokaaga ne foaki he Our Kingdom Ministry.