Setulu he Tau Feleveiaaga Fekafekau

Fahi Tapu Kamata ia Ianuari 13

Lologo 69

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. He fakaaoga e tau manatu he lau 4, taute ua e fakataitaiaga kehekehe ke foaki aki e Watchtower, Ianuari 15 mo e Awake!, Ianuari 22. He tau fakataitaiaga takitaha, kua lata e tau mekasini ua ia he foaki fakalataha, pete he taha ni ka fakamaama.

15 min: Kautu ka e Nakai Fai Kupu. Lauga mo e fakatutalaaga he toloaga. Ko e mahani Kerisano mitaki ko e fakamatala malolo lahi. Ne omoi e falu hoa nakai talitonu ke eke mo tau tagata tapuaki ha Iehova. (1 Pete. 3:1, 2) Talahau e tau iloaaga ne moua he Watchtower, Ianuari 1, 1999, lau 4; Kolo Toko, Oketopa 1, 1995, lau 22-23; mo e Yearbook, 1995, lau 46. Fakatoka tuai ma e ua po ke tolu e talahauaga ke he tau fua mitaki ne moua e lautolu mai he muitua ke he tomatomaaga he Tohi Tapu ke he fahi nei.

20 minu: “Fakamoli ke he Tukuleleaga ha Tautolu.”a Ka mole e tutala ke he paratafa 3, tutala fakaku ke he fuata po ke fuata mui kua papatiso. Ko e heigoa e tau paleko ne fehagai mo ia tali mai he papatiso? Ko e heigoa kua lagomatai a ia ke felauaki mo e tau paleko ia? Kua aoga fefe a ia mai he tukulele hana moui ki a Iehova?

Lologo 22 mo e liogi fakaoti.

Fahi Tapu Kamata ia Ianuari 20

Lologo 44

15 min: Tau fakailoaaga he matakavi. Hane Kumikumi Kia a Koe ke he Tau Tohiaga Tapu he Tau Aho Takitaha? Lauga mo e fakatutalaaga auloa. Fakamalolo oti ke fakaaoga fakamitaki e Examining the Scriptures Daily​—2003. Fakatutala ke he tau talahauaga he folafolaaga i mua he lau 3-4. Foaki e tau manatu ke he puhala ke maeke he tau magafaoa ke fakatutala auloa e kupu he aho. Ke fakakite e tau aoga he onoono ke he kupu ma e tau aho takitaha, fakatutala ke he ua po ke tolu e fakataiaga he kupu mo e tau manatu ke lata mo e mahina ka hau. Putoia e fakataitaiaga ku he tane mo e hoana ne taute e kupu he aho nei mo e tutala tokoua ki ai.

15 min: “Fakaako e Vagahau Mea ke he Falu.”b Ka mole e tutala ke he paratafa 6, fakaaoga e tagata fakailoa kua lata ke fakataitai e puhala ke kamata aki e fakaako Tohi Tapu he gutuhala ka liu ahi atu, he fakaaoga taha he tau fakataitaiaga he uho he Ha Tautolu a Fekafekauaga he Kautu ia Ianuari 2002 he lau 4. Putoia e tutala ke he taha e paratafa he porosua Manako. Fakaaoga e tagata fakailoa ke talahau he magaaho fakahiku e huhu ke he paratafa ne mui mai ti fakatoka ke tali ka liu atu. Fakamalolo oti ke manamanatu ko e fai nakai ia lautolu ne fa e ahi atu ki ai kua liga makai ke fakaako e Tohi Tapu ke he puhala nei.

15 min: “Ko e Gahua kua Lata mo e Fakatokolalo.”c Ka fakatutala e paratafa 3, uiina e toloaga ke foaki e tau manatu ke he puhala ke tali atu ka fai tagata he fonua kua lali ke vaiga po ke hemu, fakafetoko, po ke vale mai ki a tautolu. Ka fakatutala e paratafa 4, putoia e tau talahauaga he Insight, Volume 1, lau 1160, paratafa 3.

Lologo 68 mo e liogi fakaoti.

Fahi Tapu Kamata ia Ianuari 27

Lologo 92

10 minu: Tau fakailoaaga he matakavi. Hokotakiaga fakatupe. Fakamanatu ke he tau tagata fakailoa ke tuku e tau hokotaki he gahua he fonua. Fakamalolo e tau tagata oti ke kitekite e vitio No Blood​—Medicine Meets the Challenge he tauteute ma e fakatutalaaga he Feleveiaaga Fekafekau he fahi tapu ia Fepuari 3. He fakaaoga e tau manatu he lau 4, taute ua e fakataitaiaga kehekehe ke he puhala ke foaki e Kolo Toko, Fepuari 1 mo e Awake!, Fepuari 8. He tau fakataitaiaga takitaha, kia fakahiku he foaki he tagata fakailoa e tuleke Manako Nakai a Koe ke Iloa Lahi e Tohi Tapu? ke he tagata he kaina​—ke he taha kua nakai talia mo e ki a ia ne talia e tau mekasini. Fakamaama fakaku e puhala ne fakakia aki e tautolu e tau mekasini ne foaki he magaaho ne toka hifo e tautolu e tuleke.​—Kikite e Ha Tautolu a Fekafekauaga he Kautu ia Novema 2001, lau 4, paratafa 10.

15 min: Tau mena kua lata mo e fakapotopotoaga.

20 minu: Lagomatai Falu ke Fakatata Atu ki a Iehova. Lauga mo e fakatutalaaga auloa. To foaki e tautolu e tohi fou ia Fepuari. Fakatutala e fakailoaaga ke he tau tagata totou he lau 3, ti fakamaama falu manatu he tohi. Igataia e tau vala ne fa mo e hagaaki ke he taha matapatu mahani ha Iehova. Ko e veveheaga ne fakakite e puhala ne fakatata e Iesu e mahani ia ti putoia ai foki mo e veveheaga kua fakatutala e puhala kua maeke ia tautolu ke taute pihia. Ko e 17 la e lau ai pihia he tau fakataiaga he fakatokaaga faka-Tohiaga Tapu. Ko e “Tau Huhu ke Manamanatu Fakahokulo Ki Ai” kua lagomatai a tautolu ke fakaata e falu puhala aoga he matakupu. Liu fakamanatu e puha “Tau Fakataitaiaga ne Fakakite ma e Fakatata Atu ki a Iehova,” ti taute he taha tagata fakailoa kua lata e taha he tau fakataitaiaga.

Lologo 124 mo e liogi fakaoti.

Fahi Tapu Kamata ia Fepuari 3

Lologo 9

5 minu: Tau fakailoaaga he matakavi.

23 minu: Lagomatai ke Omaoma ke he Fakatufono he Atua ke he Toto. Lauga he motua kua lata, fakave ke he fakatokaaga ne foaki he la ofisa. Kua lata e tohikupu ke loga e tau laupepa pehenei ke tufatufa atu: laupepa Advance Medical Directive/Release, Identity Card, ko e tau laupepa Health-Care Directive (HCD), Enduring Power of Attorney (EPA), mo e Advance Directive Guide. To foaki atu e tau laupepa nei ke he tau tagata fakailoa papatiso ka hili e feleveiaaga he po nei, ka e NAKAI lata ke fakapuke he po nei. Ko e saini, fakamoli, mo e tohi e aho he tau laupepa to taute he Fakaakoaga Tohi he Fakapotopotoaga he tapu ka hau, mo e lagomatai kua lata mai he leveki fakaakoaga tohi. Ko lautolu ka saini mo tau fakamoli kua lata ke kitia e tagata hane saini e laupepa. Kua lata ke kitekite fakaeneene fakamua e Advance Directive Guide to fakapuke e tau laupepa HCD mo e EPA. Kaeke kua fita he saini e koe e tau laupepa HCD mo e EPA to nakai lata ke fakapuke taha foki ato kehe ai kaeke ko e laupepa ia kua fakapuke fakamua atu ato hoko e aho 1/02 po ke nakai tohi ai e tau manako fou hau. Ko e tau Identity Card ma e fanau to age ke he tau mamatua ka hili e feleveiaaga nei. Kia tohi ni he tau tagata fakailoa nakai la papatiso ha lautolu a laupepa mo e ma e tau fanau ha lautolu he fakaaoga e vagahau kua felauaki mai he tau laupepa nei ke lata mo e ha lautolu a tau tuaga mo e tau fifiliaga.

17 minu: “Lata a Koe ke Kitekite e Vitio No Blood​—Medicine Meets the Challenge.” Ke taute he motua kua lata. Kamata fakahako e fakatutalaaga ke he vitio No Blood mo e toloaga, he fakaaoga e tau huhu kua foaki he vala tala nei he lau 3. Ka mole ia, ti totou e paratafa fakahiku.

Lologo 133 mo e liogi fakaoti.

[Tau Matahui Tala]