Tau Puhala ke Lagomatai a Tautolu ke Fakamamao Mai he Toto

Ko e tau tagata fakailoa kua papatiso ne fakapuke ke he magaaho fakamua e laupepa Advance Medical Directive/Release po ke Identity Card ne tohi ke he aho 3/99 po ke magaaho fakamui ka nakai lata ke liu fakapuke e laupepa fou he tau nei. Ma e Feleveiaaga Fekafekau he fahitapu ia Fepuari 2, kua lata e tohikupu ke loga e tau laupepa ma e tau tagata fakailoa ne papatiso fou, tau fanau ha lautolu, mo lautolu kua lata ke moua e tau laupepa fou. To nakai fai ka fakahu atu ke he fakapotopotoaga. Kaeke ke nakai loga e tau laupepa nei, kia fakakia atu e tohikupu ke he tau fakapotopotoaga tata mai po ke ota fakalahi he ole tohi he fakapotopotoaga ka hau.

Kua lata e tau laupepa ke fakapuke fakatekiteki i kaina ka e AUA neke fakamailoga. Ke he Fakaakoaga Tohi he Fakapotopotoaga ka hau, kua lata e tau laupepa ke fakamailoga, fakamoli, mo e tohi e aho, fakalataha mo e lagomataiaga kua moua mai he leveki fakaakoaga tohi. Kua lata e tau tagata fakamoli ke kitekite e tagata ka fakamailoga e laupepa.

Kua nakai lata he tau tagata fakailoa ke fakapuke e tau laupepa fou he health-care directive (HCD) po ke enduring power of attorney (EPA) ato kehe kaeke (1) ko e laupepa fou ha lautolu kua fakapuke fakamua atu ato hoko e aho 1/02, (2) nakai fakakite e tau manako fou ha lautolu, po ke (3) kua hiki mai a lautolu ki Niu Silani he falu motu. Kua lata foki e tohikupu ke loga e tau laupepa HCD, mo e EPA, pihia mo e Advance Directive Guide.

Kia tohi ni he tau tagata fakailoa nakai la papatiso ha lautolu a tau laupepa mo e ha lautolu a tau fanau he fakaaoga e tau kupu mai he tau laupepa Advance Medical Directive/Release, Identity Card, HCD mo e EPA.