Fakamatala Mauokafua he Matakavi Pisinisi
1. Ko e ha kua lata a tautolu ke nakai fakaatukehe ka logona hifo kua fakahopoate e fakamatala ke he tau faahi pisinisi?
1 Logona nakai e koe e hopoate he fakamatala ke he tau faahi pisinisi? Ka pihia, ua fakaatukehe, ha ko e mena pihia foki a Paulo, ko e fekafekau loto malolō mo e nakai matakutaku, ne “fakamalolo” ke maeke ke fakamatala. (1 Tesa. 2:2) I lalo, ko e falu he tau mena fakatupetupe pihia mo e tau lagomataiaga aoga ke fahia mai ai.
2. Ko e ha kua lata a tautolu ke nakai tupetupe he fakahogohogo manava e tau tagata gahua?
2 He Fakatauhele Kia e Tau Tagata Gahua kua Fakahogohogo Manava a Lautolu? He loga e pisinisi, ko e tau tagata gahua ne fekafekau ke he tau tagata ti kua amanaki ke he tau fakalavelave. Fa mahani a lautolu ke totonu, ha kua liga eke a lautolu mo tau tagata fakatau mitaki. Ha kua lilifu e tau mena ne tui mo e kua mafanatia mo e kapitiga, to fakalagalaga e koe e fakalilifuaga.
3. Maeke fēfē a tautolu ke kalo mai he fakaita e tau tagata fakatau?
3 To Lata Kia a Au ke Taute e Fakatātāaga Haaku i Mua he Tau Tagata Fakatau Tokologa? Ka maeke, fifili e magaaho ka nakai lavelave lahi mahaki e fale koloa, tuga ka hafagi laia a lautolu. Fakatali ato haia tokotaha e takitaki gahua po ke tagata gahua to fina atu ki ai. Fakakū e fakatātāaga haau.
4. Ko e heigoa la ha tautolu ka talahau he gahua ke he tau faahi pisinisi?
4 Ko e Heigoa Haaku kua Lata ke Talahau? Tutala ke he tagata ne leveki ka tokologa e tagata gahua. Maeke a koe ke pehē: “Kua uka ke moua e tau tagata pisinisi i kaina, ti ko e mena ia ne ahiahi mai a mautolu ke he gahuaaga haau. Iloa e au na gahua a koe, ti fakakū ni au.” Ti ko e mena ia to nakai hehē a tautolu mo tau tagata sela koloa, ati mitaki lahi ke nakai totoku e fakatokaaga foaki mena fakaalofa ato ole ki a tautolu ke he puhala ne fakatupe aki e gahua ha tautolu. Fakavē ke he tuaga he pisinisi, maeke ia koe ke ole ke moua e fakaatāaga he takitaki ke tutala fakakū ke he tau tagata gahua. Fatiaki e fakatātāaga haau ki a lautolu. Ka liga lavelave e tagata gahua, fakakū e fakatātāaga haau ti toka e tuleke mo ia. Ka nakai maeke ke tutala mo e tau tagata gahua, liga to fakaatā ki a koe ke toka e tau tohi he poko okioki po ke matakavi fa mahani.
5. Ko e heigoa e tau kakano ke fakalataha ke he fakamatala mauokafua ke he tau faahi pisinisi?
5 Ne fakamatala mauokafua a Iesu mo Paulo ke he tau tagata he tau matakavi gahua ha lautolu, ti maeke foki a koe. (Mata. 4:18-21; 9:9; Gahua 17:17) Ole ki a Iehova ke lagomatai a koe ke moua e loto totoka mo e ke fakamalolo. (Gahua 4:29) Ko e tau matakavi pisinisi ne ha ha i ai e tau kaina nakai fai tagata, ti ko e ha he lali ke taute e puhala fakamatala mitaki nei?