Hūhū he Tau Fuata—Maeke Fēfē Au ke Moua e Tau Kapitiga Mooli?
Ne tufuga e Iehova e tau tagata ke fematutakiaki mo e fakatū kapitiga. (Fakatai 17:17; 18:1, 24) Ke aoga lahi e tau fakafetuiaga nei, kua lata ia tautolu ke fifili fakamitaki e tau kapitiga ha tautolu. (Fakatai 13:20) Ka oti e kitekite he vitiō Young People Ask—How Can I Make Real Friends?, maeke nakai a koe ke tali e tau hūhū na?
Kamataaga:
(1) Ko e heigoa e kapitiga mooli?
Tau Puhala ne Taofi e Aga Kapitiga:
(2) Maeke fēfē ke kautū mai he tau logonaaga tū kehe tokotaha? (Filipi 2:4) (3) Ko e ha kua lata ia tautolu ke makai ke fakaholo ki mua e aga ha tautolu, mo e ko hai ka lagomatai a tautolu ke taute e mena ia? (2 Kori. 13:11) (4) Maeke fēfē ia tautolu ke moua e tau tuaga mitaki ke moua foki falu kapitiga?—2 Kori. 6:13.
Kapitiga mo e Atua:
(5) Maeke fēfē ia tautolu ke feaki e fakafetuiaga tata lahi mo Iehova, mo e ko e ha kua aoga ai e laliaga ia? (Sala. 34:8) (6) Ka taute e tautolu a Iehova mo kapitiga uho lahi mahaki ha tautolu, ko e heigoa e tau tuaga kapitiga aoga mo e tau tagata ka moua e tautolu?
Ko e Tau Vahega Kapitiga Hepe:
(7) Ko hai e tau kapitiga kelea? (1 Kori. 15:33) (8) Maeke fēfē e tau kapitiga hepe ke takitaki e tagata ke he moumou fakaagaaga?
Ko e Tala ne Tupu he Vahā Foou Nei:
(9) Ko e heigoa ne fakaako ki a tautolu mai he tala Tohi Tapu ki a Tina? (Kene. 34:1, 2, 7, 19) (10) Ne fakamaama fēfē e Tara e kakano ati lafi a ia mo e tau fuata nakai tua? (11) Ko e heigoa e tau tutuaga hagahagakelea ne fakatapakupaku he tau kapitiga aoga ha Tara a ia ki ai? (12) Ko e ha ne kaumahala e tau matua ha Tara ke mailoga e hagahagakelea kua putoia a ia i ai, ka ko e heigoa e aga ne lagomatai e laua a ia ke liu malolō fakaagaaga? (13) Fakamooli fēfē e matakainaga paionia mo kapitiga mooli ha Tara? (14) Ko e heigoa ati kehe e kitiaaga ha Tara?
Fakaotiaga:
(15) Ko e heigoa e tau fakaakoaga ne ako mai e koe he vitiō nei? (16) Fakaaoga fēfē e koe e vitiō nei ke lagomatai aki e falu?
Kia fifili e tautolu e tau kapitiga ka lagomatai a tautolu ke fakatumau e tuaga kapitiga mua ue atu—ko e kapitiga mo e Atua!—Sala. 15:1, 4; Isaia 41:8.