Fanogonogo ke he Atua mo e Moui Tukulagi
1. Ko e heigoa ka fakatutala a tautolu he Fakaakoaga Tohi Tapu he Fakapotopotoaga kamata he faahi tapu ia Oketopa 19, 2015?
1 He faahi tapu ia Oketopa 19, 2015, to kamata a tautolu ke fakaaoga e porosua Fanogonogo ke he Atua mo e Moui Tukulagi he Fakaakoaga Tohi Tapu he Fakapotopotoaga. Ha kua nakai loga e tau kupu he porosua nei, kua fakaliliu ai ke he loga e tau vagahau. Ko e porosua Fanogonogo ke he Atua mo e Moui Tukulagi ne talia ke fakaliliu ke he 431 e vagahau ne fakatoka mai.
2. Ko hai ka aoga mai he porosua nei?
2 Ko hai ka aoga pauaki mai he tau porosua nei? Manamanatu ke he mena nai ne tupu tumau he lalolagi:
• Ko e tagata fakailoa ne fakatutala mo e tagata he kaina, he fina atu fakamua po ke liu aahi atu, ne mailoga kua nakai maeke e tagata he kaina ke totou po ke ailoa ke totou.
• Ko e tagata fakailoa ne fakamatala ke he tau tagata kua vagahau e vagahau ne gahoa po ke nakai fai tohi ne fakaliliu ai. Po ke laulahi he fonua kua nakai maeke ke totou ke he vagahau kua mukamuka a lautolu ke vagahau.
• Ko e tagata fakailoa ne fakaaoga e vagahau matalima ke fakamatala ke he fonua he tau tagata teligatuli.
• Ko e matua ne manako ke fakaako e kupu mooli ke he tama tote haana kua nakaila iloa ia ke totou.
3. Talaga fēfē e porosua Fanogonogo ke he Atua mo e Moui Tukulagi?
3 Kua tatai e tau fakatino he porosua Fanogonogo ke he Atua mo e Moui Tukulagi mo e Fanogonogo ke he Atua. Ne talaga ai ke fakaako mo lautolu kua uka ke totou po ko lautolu kua fakaako ke totou. Fakaaoga foki e porosua nei mo lagaki he faiaoga ka fakaako mo e tagata he porosua Fanogonogo ke he Atua. He matapotu he faahi hema i luga he tau lau ne ua e fakaakoaga ko e hūhū ne tali he tau lau ia. Putoia he tau fakatino e tau manatu mo e tau kupu ne tohi i ai. Ato hoko ke he matapotu i kelekele ke he loga e lau ko e puha lanu māmā ne fai manatu lafi ki luga mo e tau kupu Tohiaga Tapu ka fakatutala, falanaki ke he lotomatala he tagata fakaako.
4. Ko e ha kua lata ia tautolu ke fakaako e porosua Fanogonogo ke he Atua mo e Moui Tukulagi?
4 Kua lata e tau tagata ke fanogonogo ke he Pule Katoatoa he lagi mo e lalolagi ka manako a lautolu ke momoui tukulagi. (Isaia 55:3) Ko e porosua nei ko e mena fakaalofa mai ia Iehova. Kia fakaaoga fakamitaki ai e tautolu he o atu tumau ke he Fakaakoaga Tohi Tapu he Fakapotopotoaga ti fakalataha katoatoa ke tali he magaaho ka fakaako auloa a tautolu ke he porosua nei!