TAU TANAKIAGA HE KUPU HE ATUA | MAREKO 3-4
Fakamaulu he Sapati
Ko e ha ne hukia lahi a Iesu ha ko e mahani he tau takitaki lotu Iutaia? Ha kua fakamamafa e lautolu e Sapati he lafi foki loga e tau fakakaupāaga ne nakai aoga. Ma e fakatai, ne nakai fakaatā ke tamate e kutu. Kua fakaatā ni ke fakamaulu ka hagahaga kelea e moui. Kakano he mena nei ko e tau huimotua ne mapakipaki po ke mafatifati kua nakai maeke ke fakahakohako he Sapati. Maaliali ai, nakai manamanatu mooli e tau takitaki lotu ke he tagata ne mate e lima.