Ko e Fulufuluola he Vahā i Mua
To nakai leva ti fakaoti ai e gahuaaga ha Satani mo e tau temoni
Ko Satani mo e haana tau temoni to nakai fakatumau ke fakahēhē e tau tagata. Kua fitā he tolo kehe e Iehova a lautolu mai he lagi. (Fakakiteaga 12:9) Ko e vahā tata i mua, to liu e Atua ke gahua foki ki a Satani mo e haana tau temoni. Ha ha i ai he fakakiteaga mai he Atua, ne pehē e aposetolo ko Ioane: “Ne kitia foki e au e agelu kua hifo mai he lagi, ha ia ia e kei he pahua nakai gata mai, ha he lima foki hana e toua lapatoa lahi. Ti tapaki e ia e tarako, ko e gata tuai, ko e tiapolo ia mo Satani, ti lili e ia a ia ke he tau tau ne taha e afe. Kua liti foki a ia ke he pahua kua nakai gata mai kua puipui foki a ia, mo e tuku atu e fakamau fakamailoga ki luga hana, kia nakai tuai fakahehe e ia e tau motu, ato katoatoa ai e tau tau ne taha e afe.” (Fakakiteaga 20:1-3) Ko e magaaho fakamui, to moumou tukulagi e Tiapolo mo e haana tau temoni.—Fakakiteaga 20:10.
Ko e tau tagata mahani kelea he lalolagi to uta kehe fakaoti foki.—Salamo 37:9, 10; Luka 13:5.
Ko Lautolu ne Mamate to Liliu Momoui!
Ko lautolu ne mamate to liliu mai ke he moui he lalolagi
Ka mole atu he uta kehe a Satani mo e tau temoni, to tamai fakaloga e Iehova e tau monuina ke he tau tagata. To manatu e koe ko e tau tagata ka mamate kua nakai tuai toka ai ha moui, nakai tuai ha ha i ai. Kua fakatai e Iesu e mate ke he mohe—ka pulumohea he mohe mo e nakai miti. (Ioane 11:11-14) Kua taute e ia e mena ia ha kua iloa e ia to hoko e magaaho ha lautolu ne momohe he mate ke liliu aala mai ai ke he moui. Ne pehē mai a ia: ‘Ko e mena hoko ke he aho ko lautolu katoa ha he tau [“tuagamau fakamanatu,” NW ] to o mai ai.’—Ioane 5:28, 29; fakatatai Gahua 24:15.
To liuaki mai a lautolu ke he moui he lalolagi nei. Kua nakai tuai taute e tau fakailoaaga kua mamate e tau tagata, ka to talahau he tau hokotaki fiafia a lautolu kua liuaki mai ke he moui! Ne pihia ai e fiafia ke liu feleveia mo e tau fakahelehele ka liliu mai he tau tukuaga!