Tau Fakatai ke Fakaako

Mataio 13:34, 35

MENA KE TAUTE: Fakaholo ki mua e fakaako atu haau he fakaaoga e tau fakatai mukamuka ne maama he tau tagata fanogonogo haau mo e fakaako e tau manatu kua aoga.

PUHALA KE TAUTE AI:

• Fifili e tau fakatai mukamuka. Tuga a Iesu, fakaaoga e tau mena ikiiki ke fakamaama e tau mena lalahi, mo e tau mena mukamuka ke fakamaama e tau mena uka. Ua lafi e tau vala tala ne nakai aoga ke uka e fakatai. Mailoga ko e tau vala he fakatai haau kua fakagahua mooli ke he fakaakoaga ne fakaako e koe ke maeke e tau tagata fanogonogo haau ke ua fakatauhele ha ko e kehekehe e tau manatu.

• Tokaloto e tau tagata fanogonogo haau. Fifili e tau fakatai kua putoia e tau matagahua mo e fiafia e tau tagata fanogonogo haau. Fakaeneene ke nakai fakamā po ke fakaita he tau fakatai haau a lautolu.

• Fakaako e manatu aoga. Hagaaki ke he tau manatu aoga he fakatai ka e nakai ke he tau vala tala ikiiki. Eketaha ke nakai ni manatu he tagata fanogonogo e fakatai ka e pihia mo e manatu he fakaakoaga.