Ko e Heigoa ne Talahau he Tohi Tapu?

To mafola nakai e lalolagi?

Ko e heigoa haau ka talahau?

• Ē

• Nakai

• Liga

Talahau he Tohi Tapu

I lalo hifo he pule ha Iesu Keriso “to monuina [mafola] lahi ai, ato nakai fai mahina”​—kakano ai to tumau tukulagi.​—Salamo 72:7.

Ko e heigoa foki ha tautolu ka fakaako mai he Tohi Tapu?

• To utakehe e tau tagata mahani kelea mai he lalolagi ti fakaatā e tau tagata mitaki ke “fakafiafia foki e lautolu a lautolu ha ko e monuina [mafola] kua lahi.”​—Salamo 37:10, 11.

• To fakahiku ai he Atua e tau felakutaki oti.​—Salamo 46:8, 9.

Maeke nakai ke moua e loto mafola mooli he mogonei?

Talitonu falu tagata . . . to nakai moua e mafola mooli ha kua puke e lalolagi he matematekelea mo e nakai fakafili tonu. Fēfē e manatu haau?

Talahau he Tohi Tapu

He mogonei foki, kua maeke e tau tagata ne tata ke he Atua ke moua e “monuina [mafola] foki mai he Atua kua mua ue atu ke he tau mena oti kua manamanatu ki ai.”​—Filipi 4:6, 7.

Ko e heigoa foki ha tautolu ka fakaako mai he Tohi Tapu?

• Mavehe mai e Atua ke utakehe katoatoa e matematekelea mo e nakai fakafili tonu ha kua “fakafou tuai e . . . tau mena oti.”​—Fakakiteaga 21:4, 5.

• Maeke a tautolu ke moua e loto mafola he ‘eke e tau mena he Kautu.’​—Mataio 5:3.