Ka Tuga kua Nakai Fahia ke Moui

Tuga anei, ko Sallya i United States ne teitei galo oti e tau koloa haana he afā, ne fakamaama: “Nakai iloa e au ko e lahi fēfē e mena haaku ke fahia ki ai. Loga e aho ne manatu au ko e otiaga naia he fahia haaku.”

Ka e kua ka mate e fakahele? Ko Janice i Ausetalia ne talahau: “Magaaho ne mamate e tau tama taane tokoua haaku, lata ia au ke lali ke fakamaopoopo e moui haaku ne kua mavehevehe fano. Olelalo au ke he Atua: ‘Fakamolemole, nakai maeke e loto haaku ke fahia ke he mena nei! Toka la au ke mate. Ai fia liu au ke ala hake.’”

Ko Daniel mogoia, ne malipilipi e loto he nakai mahani fakamooli e hoana haana. Fakamaama e ia: “Magaaho ne tala mai e hoana haaku kua nakai mahani fakamooli a ia, tuga ko e titipi ne tuina e loto haaku. Logona e au e mamahi nei ne tuina lagaloga ia au ti loga e mahina ne pihia e tuaga haaku.”

Ko e fufuta nei he Ko e Kolo Toko to fakamaama e kakano aoga ke moui pete ka

• Lauia he matematekelea tupu pauaki

• Mate e fakahele

• Nakai fakamooli e hoa

• Gagao lahi a koe

• Nakai fahia ke moui

Fakamua, puhala fe ke fahia a tautolu ka lauia he matematekelea tupu pauaki?