Ko e Aoga Fekafekau Fakateokarasi ma e 1998

Ko e kakano ke fakaako ko e “ako po ke fakamau ke he iloilo tonu po ke makutu.” Mai he Aoga Fekafekau Fakateokarasi, kua fakaako fakahololoa a tautolu ke he iloilo he Atua. Pihia foki, ko e fakalatahaaga ha tautolu ke he aoga nei kua fakaata a tautolu ke tolomaki ha tautolu a makutu ke he vagahau mo e fakaakoaga. Ko e fakaholoaga aoga ma e 1998 ka lagomatai a tautolu ke fakaata e tau magaaho ke holo fakaagaga ki mua.

He kikite e koe e setulu he aoga ma e tau ka hau, to kitia e koe e falu Kotofaaga Nu. 3 kua fakave ke he taha tagata Tohi Tapu ne moua he tau tohi Insight. Ko e taha mena foki, kua lafi e tohi Fiafia he Magafaoa ke he fakaholoaga he 1998, mo e tau Kotofaaga Nu. 3 mo e Nu. 4 ke fakaaoga fakahaga. He tau magaaho ka fakaaoga e tohi Fiafia he Magafaoa ke fakamatapatu ki ai e Kotofaaga Nu. 4, kua lata he taha matakainaga tane ke fakaaoga ai ke lauga ke he fakapotopotoaga. Mo e, kua fakamanatu atu, nakai lata e taha he fakaholoaga aoga ke molea e tula.

Taha Hala Fou: Ma e ha tautolu a aoga fakatagata, kua fakatoka tuai he parakete he mole e lologo ke he tau fahi tapu e “Setulu he Totouaga he Tohi Tapu Lafi ki Luga.” Pete ni kua nakai fai vala he fakaholoaga aoga ke he fahi tapu ne fakave ki ai, kia foli a koe ke muitua ki ai. To lagomatai he mena nei a koe ke fakamahani e totouaga he Tohi Tapu he tau aho takitaha kaeke kua nakala taute pihia a koe.

Fakamolemole totou fakamitaki e tau fakaakoaga ne moua mai he “Setulu he Aoga Fekafekau Fakateokarasi ma e 1998” ke he tau fakailoaaga foki he tau kotofaaga, fakatonuaga, mo e tau liu fakamanatu, pihia foki he lau 3 he Our Kingdom Ministry ma Oketopa 1996.

Ka nakala hu a koe ke he Aoga Fekafekau Fakateokarasi, kua uiina e mautolu a koe ke fakamau mogonei. Ko e aoga nei ni ne fakatoka tumau e fakaholoaga mua ue atu ke fakaako e tau fekafekau fakatokolalo mo e tukulele a Iehova ke lata mitaki mo tau fekafekau hana.​—1 Timo. 4:13-16.