Tau Fuata​—Kia Fakaaoga Fakamitaki e Vaha Aoga Ha Mutolu

¹ Kua loga e tau mena aoga ka moua he tau fuata ne gahua ke moua e mitaki mai he fakaakoaga ha lautolu. Ti ka haia he aoga, to fakaaoga nakai e koe e falu magaaho ia ke tutala ke he hau a tau kapitiga he vahega mo e ke he tau faiaoga? Iloa moli e mautolu e manako hau ke mitaki e gahua he aoga.

² Kia Tama Mitaki: Kaeke tauteute fakamitaki a koe ato fina atu ke he tau vahega mo e fanogonogo fakamitaki ai, to moua e koe e tau fua hololoa. Kia lotomatala ke he tau gahua kotofa ke taute i kaina, ka e aua neke fakalavelave he tau gahua aoga hau e tau matagahua fakateokarasi.​—Filipi 1:10.

³ Kia totou e porosua Jehovah’s Witnesses and Education he kamataaga he tau aoga oti. Ti age e koe po ke tau matua hau e tau tohi ke igatia e tau faiaoga hau. Tala age ka fai huhu a lautolu to moua ai e tali. To lagomatai ai a lautolu ke maamatika e tau matapatu fakaakoaga mo e tau taofiaga hau ti gahua fakalataha ai mo koe he taute e koe e mena ne fakaako e koe. To iloa moli foki he tau faiaoga hau ko e manako a koe mo e hau a tau matua ke kaufakalataha mo lautolu he lagomatai e lautolu a koe ke moua e fakaakoaga uho.

⁴ Kia Eke mo Fakamoli Mitaki: Ko e ha he taute e aoga mo fonua hau ke fakamatala he magaaho noa? Ko e haia e tau magaaho hau ke fakamatala he tau magahala he aoga. Ko e magaaho ka fakamatala ai e iloilo fakaagaga mitaki lahi ne ha ha ia koe, to “fakamoui ai e koe a koe, katoa mo lautolu kua fanogonogo kia koe.” (1 Timo. 4:16) He fakatumau e mahani Kerisiano mitaki mo e he fakamatala ke he mena ni kua lata, to lagomatai ni e koe a koe katoa mo e falu.

⁵ Taha e matakainaga tane ne fakamatala ke he taha tama he aoga hana. Ia lautolu ia ne fakakite e fiafia ko e tama Katolika, ko e tama nakai talitonu ko e fai Atua ne fakamua ke amuamu a lautolu ne talia ke he Atua, mo e taha fuata ne mamafa e ula mo e inu kava. He tau mena oti nei, ne lagomatai he matakainaga tane fuata nei 15 mai he hana atutau ke hohoko ke he tukulele mo e papatisoaga!

⁶ Ti tau fuata na e, kia fakaako mo e gahua a mutolu ke he fonua fakamatala ha mutolu ni. To olioli ai e koe e fua mua ue atu he fano he aoga.