Tau Kanavaakau Fakaako, Fakalagalaga, mo e Fakamalolo
1 Kua malolo lahi a lautolu ke fakaako e tau tagata hagaao ke he Tohi Tapu mo e Tau Fakamoli a Iehova. Kua fakalagalaga e lautolu e tokologa ke tumau ke he kupu moli. Kua fakamalolo e lautolu e tua mo e loto fakaaue he tau tagata tukulele he Atua. Ko e heigoa a lautolu ia? Ko e tau vitio ne taute he fakatokatokaaga ha Iehova. Kua kitekite oti nakai e koe hogofulu ia lautolu? Kitekite fou nakai? Fakaaoga nakai e koe a lautolu he fekafekauaga hau? Laulahi atu fefe e aoga hau mai he tau kanavaakau homo ue atu nei?
2 Ko e vala tala he Kolo Toko ia Iulai 1, 1999, “Fakatumau ke Fakaako e Kupu he Atua ko e Magafaoa” ne fakamalolo “ke toka taha magaaho he fakaakoaga ha mutolu ke kitekite e tama vala he taha vitio he Sosaiete . . . ti fakatutala ki ai.” He lagotatai mo e hatakiaga mitaki ia, to kehekehe e tau vitio ka kitekite he Feleveiaaga Fekafekau he falu mahina takitaha. Fakamalolo e mautolu e tau tagata oti he fakapotopotoaga ke kitekite fakamua e vitio i kaina ato hoko e magaaho ke fakatutala ai he Feleveiaaga Fekafekau.
3 He mahina nei ka kamata a tautolu mo e vitio fakamua ne taute e mautolu, ko e Jehovah’s Witnesses—The Organization Behind the Name. Kitekite mo e fanogonogo ma e tau tali ke he tau huhu nei:
◼ Ko e heigoa kua talahaua lahi ai e Tau Fakamoli a Iehova?
◼ Ko e tau mena oti ne taute he Peteli ne matutaki ai mo e kupu Tohi Tapu fe?
◼ Ko e heigoa e fakatino he Tohi Tapu ne kitia e koe kua taute tala, poki, mo e vali mo fakaaoga he tau tohi?
◼ Ko e heigoa kua nava a koe ki ai hagaao ke he puhala ne tauteute aki e tau tohi ha tautolu?
◼ Mai he 1920 ke he 1990, fiha e tohi kehekehe ne lomi he Sosaiete?
◼ Ko hai pauaki he tau tagata he Atua ka hokotia atu ke lata mo e gahua he Peteli?—Fakatai 20:29.
◼ He tau puhala fe ne fakatoka he magafaoa Peteli e fakafifitakiaga mitaki lahi ma lautolu oti e Tau Fakamoli a Iehova?
◼ Ko e heigoa kua fakamalolo a koe hagaao ke he gahua ne taute he Peteli ke maeke he tala mitaki ke hokotia atu ke he tau tagata tokologa?
◼ Fakatupe fefe e gahua he lalolagi katoa?
◼ Ko e heigoa e gahua kua maeke ia tautolu ke lagomatai fakamalolo, mo e ke he agaaga fefe?—Ioane 4:35; Gahua 1:8.
◼ Fefe e logonaaga hau hagaao ke he fakatokatokaaga i tua he higoa ha tautolu?
◼ Fakaaoga fefe e koe e vitio nei ke he fekafekauaga?
Ia Tesemo to liu onoono a tautolu ke he vitio The Bible—Accurate History, Reliable Prophecy.