United by Divine Teaching​—Kitekite e Pipiaga Fematakainagaaki Moli

Ne fano e leveki he takaiaga ke he fakaakoaga he taha fifine ne nakala finatu ke he tau fakapotopotoaga. Ne uiina e ia e patu ke kitekite e vitio United by Divine Teaching. Ne finatu a ia he fahitapu ia ke he feleveiaaga ti pehe kua fiafia lahi a ia ha kua fano ki ai. Kua ha ne fua mafiti mai pihia e mena nei he vitio? Ne nava lahi a ia ha kua kitia i ai e pipiaga fematakainagaaki uho ne gahuahua ia tautolu ke he lalolagi mahani vale mo e vihiatia.​—Ioane 13:35.

Kitekite e vitio nei ke kitia mo e logona e mafola mo e fakaalofa ne ha ha i ai he Tau Fakamoli a Iehova ke he lalolagi katoa. Ati manamanatu hifo ke he tau huhu nei:

(1) Ko e ha kua lata lahi e mataulu tala “Fakaakoaga Fakaatua” he tau fonoaga ma e tau tau 1993-94?​—Mika 4:2.

(2) Kua lauia fefe e falu a magafaoa ha ko e kupu moli he Tohi Tapu? Kua lauia fefe foki e magafaoa hau?

(3) Ko e ha kua aoga ke fakaako e Iehova?​—Sala. 143:10.

(4) Heigoa e falu paleko ne lata he taute he amaamanaki atu e tau fonoaga lalahi ke he lalolagi katoa?

(5) Kua maeke fefe ia koe ke kitia e fakamoliaga ha Salamo 133:1 mo e Mataio 5:3 he tau fonoaga Kerisiano ne finatu ki ai a koe?

(6) Heigoa e fakamoliaga ke he tau tagata he tau gahua malolo ha ko e fakaakoaga fakaatua?​—Fakakite. 7:9.

(7) Heigoa e papatisoaga mano tagata ne kua ekelaia ke he tau Kerisiano moli?

(8) Heigoa e tau kupu ha Mika, Peteru, mo Iesu ha ne fakamoli ke he vaha loto he Tau Fakamoli a Iehova?

(9) Heigoa ne fakamoli kia koe na nakai ko e miti noa e magafaoa ne kua fiafia, mo e pipi auloa?

(10) Kia hai ka fakakite e koe e vitio nei, mo e ko e ha?

Ne oti e kitekite he vitio nei, kua talahau mai pehe e taha matakainaga fifine: “To lagomatai tumau mai he vitio nei a au ke tokaloto na tokologa e tau matakainaga Kerisiano tane mo e fifine ha ha i ai he lalolagi katoa ke he magaaho taha nei ne fekafekau fakamoli atu ki a Iehova. . . . Kua uho ha ia e pipiaga fematakainagaaki ha tautolu!”​—Efeso 4:3.