Makona Mitaki Nakai e Tau Mena Kai Fakaagaga Hau?
1 Ne fa mahani ke pehe ‘lauia a tautolu he tau mena ne kai ai e tautolu.’ Moli ha, ha ko e malolo he tau la tino mo e moui ha tautolu ne lauia ke he tau puhala taumafa ha tautolu. Ha kua pehe mai a Iesu: “Nakai ko e tau mena kai hokoia ke moui ai ha tagata, ka ko e tau kupu oti ne to mai he fofoga he Atua,” ko e tau mena kai fakaagaga ha tautolu ka lauia foki a tautolu ke he puhala mitaki po ke kelea. (Mata. 4:4) Ti, makona mitaki nakai e tau mena kai fakaagaga hau? Ko e tagata fili kai kia a koe? Po ke kai kia a koe mo e poi? Po kua fiafia kia a koe ke kai fakaeneene mo e logona e lolo, mo e huhua lahi he tau mena kai fakaagaga?
2 Kikite e Tau Mena Kai Hau: Foaki e Iehova “e tau mena kai ke he tau magaaho” mo e “galue ke he tau mena mitaki,” he puhala he “fekafekau fakamoli mo e loto matala.” (Mata. 24:45; Isa 25:6) Ke makona mitaki mai he tau foakiaga fakaalofa nei, lata ia tautolu ke kai fakamakamaka tumau he tau mena fakaagaga.
3 Kia huhu hifo e koe hoko koe ni: ‘Totou nakai e au e tau kupu tohi he aho mo e tau manatu i ai he tau aho takitaha? Fa totou nakai e au he tau aho takitaha ti manamanatu hifo ke he Tohi Tapu? Fa ako tuai nakai e au e tau maga ne lata ma e tau fakapotopotoaga? Na kua totou nakai e au e tau tohi fou ha tautolu, tuga e Isaiah’s Prophecy—Light for All Mankind I?’
4 Ne mavehe e Iesu: “Uhoaki a lautolu ne loto holoilalo . . . Uhoaki a lautolu ne fia kai mo e fia inu ke he mahani tututonu; ha ko e mena to makona a lautolu.” (Mata. 5:3, 6) Ti, kai mo e makona fakaagaga he fakapuke e manamanatuaga hau mo e loto ke he iloilo he Atua.