Puha Huhu

◼ Ka fakamatala he telefoni, kua lata nakai a tautolu ke fakamaama e fakaholoaga foaki mena fakaalofa?

Ka kitia e tautolu e tagata ne fakamatala a tautolu ki ai, to liga hagahaga mitaki ke fakamaama ko e gahua fakaako Tohi Tapu he Tau Fakamoli a Iehova ke he lalolagi katoa kua lagomatai katoatoa aki ni e tau mena foaki fakaalofa ti fiafia lahi a tautolu ke talia e ha foakiaga pihia. Pete ia, kua nakai lata ke talahau e foaki mena fakaalofa po ke fakaholoaga foaki mena fakaalofa ka fakamatala he telefoni, neke maama hehe ko e kaiole tupe ke he telefoni. Ko e fekafekauaga he Tau Fakamoli a Iehova na nakai taute mo moua tupe.​—2 Kori. 2:17.

◼ Ka fakamatala he telefoni, ko e heigoa ka taute kaeke ole e tagata ke nakai liliu e Tau Fakamoli a Iehova ke hea atu ki ai?

Kua lata ke fakalilifu e tau manako he tagata. Ko e fakamaamaaga ne tohi ai e aho mo e higoa he tagata kua lata ke tuku he fagatohi he matakavi ia ke nakai hea atu e tau tagata fakailoa ke he numera ia he tau aho i mua. Lagataha he tau, ko e tau numera ha lautolu ne ole ke nakai hea atu a tautolu ki ai kua lata ke liu kitekite ki ai. Ki lalo hifo he takitakiaga he leveki fekafekau, ko e tau tagata fakailoa ne kua lahi e iloaaga mo e fakailoilo ka maeke ke kotofa ke hea atu ke he tau tagata nei ke fakakia kua fefe ha lautolu a tau manatu he magaaho nei.​—Kikite e Puha Huhu he Our Kingdom Ministry ia Ianuari 1994.