Tohi he La

Tau Tagata Fakailoa he Kautu Fakahele:

“Ko e Atua ni kua fakatutupu ai.” (1 Kori. 3:6) Ko e fiafia ha ia ke kitia e tupu ki mua he fonua i Niu Silani! He tau he fekafekauaga he 2003, molea e 400 he tau fakaakoaga Tohi Tapu ne kamata. Nava lahi ke he mena nei.

Hane fakamonuina e Iehova e gahua he fonua he tau tagata vagahau kehe. Ne fakatu ai e tau fakapotopotoaga po ke tau matakau ke he 7 e vagahau kehe ne nakai faka-Peritania. Kia eketaha a tautolu ke hokotia ke he numera tupu ki mua he tau tagata ne fanau he motu kehe hane nonofo i Niu Silani.

Ke foaki e tau tohi ma e tau fonua hane tupu ki mua he lalolagi, ko e printery he Watchtower Farms, i Wallkill, New York, hane fakalahi ai. Kua holo mitaki ai e gahua he lalafi atu ki ai e foloa kua laulahi ke tolu mo e hafa e eka. Kua tatai e mena nei ke he 30 e tau Fale he Kautu ne vahaloto e lalahi! Ua e matini lomi tohi lalahi ka fakatupu ki mua e tauteaga he gahua hane setulu ke hoko atu ai he mataulu he 2004. To igatia e matini mo e maeke ke taute ke hoko hake ke he 25 e mekasini he sekone. Ko e kanavaakau fou he pega e tau tohi mo e fakahu ka fakatutu he 2004. To fua mai e talagaaga lahi mahaki he mena nei mo e fakatote hifo e tagata gahua.

He kamata a tautolu ke he tau he fekafekauaga he 2004, kua fakalataha a mautolu mo mutolu he liogi ko Iehova ka ‘fakatumau ke fakatutupu ai.’

Ha mutolu a tau matakainaga,

La Ofisa i Niu Silani