Tohi he La

Tau Tagata Fakailoa he Kautu Fakahele:

Manatu a mautolu to fiafia a mutolu ke logona hagaao ke he tau mena ne taute he tau matakainaga tokoafe ne lauia he tau afā ne moumou e Southern Gulf Coast he Faahi Kaufakalataha he 2005. Ne fakafano mai he la ofisa he Faahi Kaufakalataha ki a mautolu e hokotaki na ne mui mai, he fakakite e lalagoaga fakaalofa ne taute he tau matakainaga oti.​—Ioane 13:35.

Ne pehē e matakainaga taane ne galo e tau mena he Afā ko Katrina: “O mai a mautolu ko e tau tapulu ni ne tui ke he tau tino. Ne lagomatai mafiti e tau kapitiga. Ti fakafeleveia fakamitaki e lautolu a mautolu. Mo e manako a lautolu ke nonofo a mautolu.”

Molea e 8,000 he tau matakainaga ne gahua mo e 60 e Tau Komiti Ta Fale Matakavi ne foaki e tau magaaho, tau pulotu, mo e tau koloa ke he foakiaga lagomatai. Ne lagomatai a lautolu he fakafoou po ke liu talaga 86 e Fale he Kautu mo e 4,178 e kaina. Toe agaia foki e gahua ke taute 5 e Fale he Kautu mo e 722 e kaina. Ne o mai motoka falu matakainaga taane he tau matakavi mamao i Maine mo Washington ke lagomatai. Ko e fakaaue ha ia ha mautolu oti ha ko e gahua fakaalofa ha lautolu!​—1 Tesa. 5:18.

Ne pehē taha tagata gahua noa mai i Michigan: “Kua olioli lahi au he kitia e mata mamali he tau magafaoa he magaaho ne kitia e lautolu e tau kaina foou ne ta e mautolu ma lautolu. Nakai fai kupu au ke talahau aki e logonaaga haaku he eke mo vala he tau matakainaga homo ue atu ia.”

Kua ole a mautolu ke fakatumau a mutolu ke liogi ma e tau matakainaga fakahelehele nei​—ko lautolu ne lauia ai mo lautolu ne foaki e lagomatai.​—2 Kori. 1:11.

Ha mutolu a tau matakainaga,

La Ofisa i Niu Silani