Leveki

Tau Fakataitaiaga Lagomatai he Gahua he Fonua

Fakaaoga e tau lagomatai ne mui mai ke lalago a koe ke tauteute e tau fakataitaiaga ne fakakite he tohi ka foaki he mahina.

Fakatata Atu ki a Iehova

“Tokologa e tau tagata talitonu ke he Atua kua manako ke logona e tata lahi ki a ia. Iloa nakai e koe na uiina he Atua a tautolu ke fakatata atu ki a ia? [Totou Iakopo 4:8.] Kua talaga e tohi nei ke lagomatai e tau tagata ke fakaaoga ha lautolu a Tohi Tapu ke fakatata atu ke he Atua.” Totou e paratafa 1 he lau 16.

“Kua tupu lahi e nakai fakafili tonu he vaha nai. Kua tuga ni ne fakakite mai he tohi nai. [Totou Fakamatalaaga 8:9e.] Tokologa ne manamanatu na fakaalofa moli nakai e Atua. [Totou e tau matakupu ua fakamua he paratafa 4 he lau 119.] Fakamaama mai he veveheaga nei ko e ha ati fai magaaho ai ne fakaata he Atua e nakai fakafili tonu.”

Is There a Creator Who Cares About You?

“Moua mai fe e tautolu e fakatonuaga mitaki lahi ke he puhala ke tali aki e tau lekua uka lahi ha tautolu? [Fakaata ma e tali. Ti totou Mataio 7:28, 29.] Fakakite mai ai e puhala ne tali he tau tagata ke he Lauga he Mouga, ha Iesu. Mailoga e mena ne talahau he falu. [Fakakite e tau talahauaga he lau 152.] Ne fakatutala e veveheaga nei ke he moui mo e tau fakaakoaga ha Iesu.”

“Kua manamanatu nakai a koe: ‘Kaeke ke fai Atua, to utakehe nakai e ia e matematekelea mo e nakai fakafili tonu he lalolagi?’ [Fakaata ma e tali. Ti totou Fakakiteaga 21:3, 4.] Ne fakakite he tohi nei e mena ka taute he Atua ke utakehe aki e matematekelea mo e punaaga hana.” Fakakite e veveheaga 10.

Kia Mataala!

“Tokologa e tau tagata hane manamanatu ke he tau lekua lalahi mo e tau mena tutupu matakutakuina ne kitia he vaha nei. [Talahau e fakataiaga ke he mena tupu he matakavi.] Iloa nakai e koe ko e tau mena pihia ko e vala he fakamailoga he lalolagi ne fakakite to nakai leva ti pule mai e fakatufono he Atua ke he tau gahua he lalolagi. [Fakaata ma e tali. Ti totou e kupu tohi kua lata, tuga he Mataio 24:3, 7, 8; Luka 21:7, 10, 11; po ke 2 Timoteo 3:1-5.] Ne fakatutala e porosua nei ke he kakano ne kua lata lahi ke mataala ke he uhouho he tau mena tutupu he mogonei.”

“Tokologa he vaha nei kua fakaagitau ke he tau mena tutupu matakutakuina po ke mamahi lahi he kaumahala fakatagata. Falu ne manatu ko e ha e Atua ne nakai fakalago mai ke nakai tutupu e tau mena pihia. Fakamafana e Tohi Tapu ki a tautolu nakai leva to fakalago mai e Atua ke fakatotoka e tau tagata mai he matematekelea. [Totou Fakakiteaga 14:6, 7.] Mailoga e kakano he fakafiliaga he Atua ma e tau tagata. [Totou 2 Peteru 3:10, 13.] Foaki he porosua nei e tau vala tala foki ke he matakupu uho nei.”

Iloilo ne Takitaki Atu ke he Moui Tukulagi

“Kaeke uiina a koe ke nofo he tau takaiaga fulufuluola pehenei, to talia nakai e koe? [Fakakite e fakatino he lau 4-5, mo e fakaata ma e tali.] Mailoga e mena ne talahau he Atua ko e kei ke olioli tukulagi e moui pehenei. [Totou Ioane 17:3.] To lagomatai he tohi nei a koe ke moua e iloilo ne takitaki atu ke he moui tukulagi.” Fakatoka ke tutala ke he tau paratafa lima he veveheaga 1 ka liu ahi atu.

Hafagi ke he fakatino he lau 188-9, mo e fakaaoga e vala kupu i ai, huhu ke he tagata he fale: “Amanaki nakai a koe ke moui ke he Parataiso, magaaho ka puke e lalolagi ke he iloilo he Atua? [Fakaata ma e tali. Ti totou Isaia 11:9.] To lagomatai he tohi nei a koe ke ako e mena ne talahau he Tohi Tapu ke he Parataiso mo e puhala ka fai vala a tautolu ki ai.” Fakatoka ke tutala ke he tau paratafa 11-16 he veveheaga 1 ka liu ahi atu.

Learn From the Great Teacher

“Manatu nakai a koe to eke e lalolagi mo matakavi mitaki ke nofo ai kaeke momoui e tau tagata ke he talahauaga nei? [Totou Mataio 7:12a. Ti fakaata ma e tali.] Ha ha he tohi nei loga e tau fakaakoaga mai he akoako ne mua ue atu ne moui.” Fakakite e tau fakatino mo e tau vala tala ke he fakatino he veveheaga 17.

“Laulahi he tau mamatua he vaha nei ne lali ke to fakahaga e tau mena atihake kua aoga ke he fanau ha lautolu. Logona hifo nakai e koe kua aoga e mena nei? [Fakaata ma e tali. Ti totou Tau Fakatai 22:6.] Mailoga kua fakamalolo e tau mamatua ke kamata fakaako e fanau ha lautolu mai he vaha ikiiki. Kua talaga e tohi nei ke lagomatai a lautolu ke taute e mena ia.” Fakakite e tau fakatino mo e tau vala tala ke he tau fakatino he veveheaga 15, 18.

“Fa mahani e tau mamatua ke ofo he tau huhu he fanau ha lautolu. Falu he tau huhu ia kua liga uka ke tali, pihia moli nakai? [Fakaata ma e tali. Ti totou Efeso 6:4.] Maeke e tohi nei ke lagomatai e tau mamatua ke tali e tau huhu ma e fanau ha lautolu he vaha nei.” Fakakite e falu fakatino gahoa mo e tau vala tala ke he tau fakatino he veveheaga 11 mo e 12 po ke 34 ke he 36.

Life​—How Did It Get Here? By Evolution or by Creation?

“Kua kapaletu oti a tautolu ke he holifono mo e favale he matakavi ha tautolu. Manatu nakai a koe kua ha ha he taha tagata e tuluiaga moli ke he lekua? [Fakaata ma e tali.] Ha ha he Atua e tuluiaga.” Fuke ke he lau 196; totou mo e fakamaama e Tau Fakatai 2:21, 22 he paratafa 19. Fakakite e mataulu he veveheaga 16, ti foaki e tohi.

Hafagi ke he lau 6, mo e talahau: “Tokologa e tau tagata ne manatu kua tupu mai noa e lalolagi fulufuluola mo e moui i ai. Ko e heigoa he manatu e koe ka fakamaama fakamitaki aki ko e tutupu fefe e tau mena nei? [Fakaata ma e tali.] Kua fakamoli he tau talahauaga loga he Tohi Tapu ke he Tufuga ne kua malolo ue atu mo e fakaalofa lahi ki a tautolu. Ko ia ko e Atua moli, ti ko Iehova e higoa hana.” Totou Salamo 83:18, mo e fakamaama fakaku hana finagalo moli ke fakafou e lalolagi katoa ke he parataiso.

Mankind’s Search for God

“Mo e tau lotu kehekehe he lalolagi he vaha nei, manamanatu nakai a koe kua maeke fefe ia tautolu ke fifili e lotu ne talia he Atua?” Ka oti e tali, hafagi ke he lau 377. Fakamaama e manatu he numera 7, mo e huhu ko e talia nakai e tagata he fale kua lata he lotu moli ke fakalataha e tau lanu tagata oti kana. Kikite ke he taha kupu tohi ne tu ai, ti ka fai magaaho, fakatutala ke he falu manatu he tohi. Ka ha i ai e fiafia moli, foaki e tohi. Ka to fano, liga ke huhu age, “Maeke fefe e lotu moli ke lauia e mahani he tagata?” Fakatoka ma e liu ahi atu ke tali e huhu.

Kaeke talahau e tagata na fano a ia ke he taha matakau lotu lalahi, liga tala age a koe: “Ko e fiafia ha ia ke feleveia mo e tau tagata he falu a lotu. Nukua kumi e tau tagata ke he Atua he tau puhala kehekehe. [Ka lata, totou Gahua 17:26, 27.] Ti fa mahani e tau tagata ke muitua ke he lotu he tau matua ha lautolu. [Totou paratafa 12 he lau 8.] Ke ako fakalahi hagaao ke he falu lotu ka fakatolomaki e maama mo e fakaakoaga. Ne fakamaama he tohi nei e punaaga, tau gahua, mo e tau fakaakoaga he tau lotu lalahi he lalolagi.” Fakakite taha fakafifitakiaga ke he mena ne toka he tohi hagaao ke he lotu he tagata, tuga ne moua he tau lau ne mui mai: Sikihi (100-101); Hinitu (116-17); Puta (141); Tao (164-6); Konofusia (177); Sinito (190-5); Iutaia (220-1); mo e Isilama (289).

Revelation​—Its Grand Climax At Hand!

“Liga logona e koe e [totoku e vala tala]. Ka mamate fakalutukia e tau tagata, tokologa ne manatu ko e heigoa ka fakamafana aki e tau magafaoa hana ne mate. Fefe e manatu hau?” Fakaata ma e tali. Ti hafagi ke he lau 299, fakakite e fakatino he liu tu mai ne fakatata i ai. Fakaholo atu ke talahau: “Tokologa e tau tagata ne ofo he iloa to maeke e tau tagata tututonu mo e hepehepe ke liu moui mai ke he Parataiso he lalolagi. [Totou e Gahua 24:15 tuga ne fatiaki he paratafa 9 he lau 297, ti talahau e fakamaamaaga he paratafa 10.] Ne fakatutala e tohi nei ke he falu fakamatafeiga loga hagaao ke he finagalo he Atua ma anoiha.”

The Bible​—God’s Word or Man’s?

“Kua nonofo a tautolu he magaaho ne teitei e tau tagata oti ke fehagai mo e tau lekua hokulo. Tokologa ne kumi e tau tagata fakatonutonu loga ma e takitakiaga. Falu ne kumi e tau tagata taulatua ma e lagomatai. To moua e tautolu i fe he manatu e koe e fakatonuaga lotomatala ka gahuahua moli ma tautolu? [Fakaata ma e tali.] Ne talahau he Tohi Tapu e mena aoga lahi ne lata ia tautolu ke maama. [Totou 2 Timoteo 3:16. Ti hafagi ke he lau 187, totou e paratafa 9.] To lagomatai he tohi nei a koe ke mailoga ka muitua ke he mena ne talahau he Tohi Tapu to moua tumau e mitaki.”

Ko e Tagata Mua Ue Atu ne Moui

“He magahala nei tokologa e tagata ne manamanatu ki a Iesu. Pete he pihia, ha ko e tau kelea loga ne tutupu he lalolagi katoa, liga tuaha falu na fakaalofa moli nakai a Iesu ki a tautolu. Ka e fefe e manatu hau?” Fakaata ma e tali. Fuke ke he veveheaga 24, mo e tutala fakaku ko e ha ne hau a Iesu ke he lalolagi. Ti totou Ioane 15:13, peehi ai e fakaalofa hokulo ha Iesu ma e falu.

“Ka fai tagata ne totoku a Iesu Keriso, tokologa ne liu manatu a ia ko e mukemuke po ke tagata matematekelea hane teitei ke mate. Ne manamanatu ni a lautolu ke he fanauaga mo e mate ha Iesu. Kua nakai mailoga e tau mena homo ue atu ne talahau mo e taute e ia he moui katoa hana. Ne lauia e tau tagata oti kana he lalolagi nei ke he tau mena ne taute e ia. Kakano haia ne kua aoga ke ako fakalahi a tautolu ke he tau mena homo ue atu ne taute e ia ma tautolu.” Totou Ioane 17:3. Fuke ke he lau fakamua he kamataaga, mo e totou e paratafa ke faaki.

Ko e Heigoa e Manako he Atua ma Tautolu?

“Manatu kia a koe ko e finagalo he Atua ma tautolu ke tupu fetui e tau lekua he moui tuga ne fehagai a tautolu ki ai he vaha nei? [Fakaata ma e tali. Ti totou Mataio 6:10.] Manamanatu nakai a koe ko e heigoa moli e Kautu he Atua?” Fuke ke he fakaakoaga 6, mo e totou e tau huhu ne ha ha he kamataaga he fakaakoaga. Kamata tutala ke he fakaakoaga, po ke fakatoka ke taute ka liu ahi atu.

“Pete he tupu tolomaki e kaufakalatahaaga he vaha fou nei, kua tumau agaia e gagao mo e mate ke fakamatematekelea mo e fakamamahi e tau tagata. Iloa nakai e koe e mena ka taute e Iesu ma lautolu ne gagao, tau momotua, pihia foki mo e tau tagata mamate?” Fakaata ma e tali. Ka manako e tagata ke iloa e tali, hafagi ke he fakaakoaga 5, mo e totou e tau huhu ma e paratafa 5-6. Fakatutala ke he tau paratafa, po ke fakatoka ke taute ka liu ahi atu.

Tapuaki ke he Atua Moli Tokotaha

“Maeke a tautolu ke fuluhi ki fe he manatu e koe ma e lagomatai ke fehagai mo e tau peehiaga he moui? [Fakaata ma e tali. Ti totou Roma 15:4.] Mailoga na foaki mai he tau Tohiaga Tapu e fakaakoaga, mafanatia, mo e amaamanakiaga, ka fakamalolo a tautolu ke fakauka ke he tau mena vihi. Foaki he tohi nei e tau lagomatai ke he puhala ka aoga lahi a tautolu mai he totouaga Tohi Tapu.” Fakamaama e tau manatu fa ne tohi he lau 30.

“Tali mai he magaaho ne laka hui a Iesu he lalolagi, ne tokologa e tau tagata ne liogi ke hoko mai e Kautu he Atua. Kua manatu nakai a koe ko e heigoa e kakano ka hoko mai e Kautu ia ma e tau tagata? [Fakaata ma e tali. Ti totou Tanielu 2:44.] Ne fakamaama he tohi nei e Kautu he Atua, mena ka tamai, mo e puhala ka aoga a tautolu mai he pule tututonu he Kautu ia.” Fakakite e fakataiaga he lau 92-3.