Fakatai e Feleveiaaga Hikihiki

Ko e fiafia fakamoli ke he tau tagata ka omoi a tautolu ke lali ke iloa e tau manako ha lautolu mo e fakakite age e puhala ka foaki mai he Kautu e tali katoatoa ke he tau lekua ne fehagai mo lautolu. (Filipi 2:4) Ko e feleveiaaga hikihiki ne kitia he tokologa he tau tagata fakailoa ke lauia mitaki, ko e uiina e tagata he fale ke tutala ke he tau fakataiaga he tau fakatino he Parataiso he tau tohi ha tautolu, tuga a na ne tohi he fahi matau he lau tohi nei. Liga taute e koe e mena nei he fakaaoga taha he tau fakafeleveiaaga i kelekele:

◼ “To maeke nakai e magafaoa he tagata he manatu e koe ke olioli e tau tutuaga pehenei tuga he fakatino?”

◼ “Manako oti a tautolu ke olioli he fanau ha tautolu e lalolagi pehenei tuga he fakatino. Ko e heigoa he manatu e koe ka tamai aki e mena nei?”

◼ “Ko e fakataiaga a nei ke he lalolagi kaeke hoko mai e finagalo he Atua ke he lalolagi ke tuga kua fita he lagi. Mailoga nakai e koe ha mena kehe mai he moui he vaha nei?”

◼ “Manako nakai a koe ke moui i lalo he tau tutuaga pehenei tuga he fakatino? [Fakaata ma e tali.] To tupu nakai e mena nei he vaha moui ha tautolu he manatu e koe?”

Fanogonogo fakamitaki he tali e tagata, mo e futia mai fakaeneene a ia he huhu taha po ke ua e huhu lafi ki luga. Kaeke tali falu kua nakai manako ke moui i lalo he tau tutuaga he fakatino po ke nakai talitonu to maeke e tau mena pihia, kia nakai mafiti ke talahau kua nakai fiafia a lautolu. Huhu fakailoilo age ko e ha ne manatu pihia a lautolu. Liga to fakakite he tau tali ha lautolu e kapaletu lahi ke he tau lekua nakai maeke ke tului hane fehagai mo e tau tagata.​—Eseki. 9:4.

He mailoga e koe e tau kapaletu he tagata he fale, kia hikihiki e fakataitaiaga hau hagaao ki ai. Fakamaama e matakupu he fekau he Kautu ne fakamahao ni ke he tau manako hana. Fakakite taha po ke ua e kupu tohi ne matutaki ke he matakupu ne hagaao ki a ia. (Kitekite e tau lagomataiaga he fahi matau.) Toka ke kitia ni e ia e mena ne talahau he Kupu he Atua. Ka fakakite e fiafia, ti foaki e tohi mo e fakatoka ke liu ahi atu. Matutaki ke atihake e fakatutalaaga hau mai he magaaho fakamua.

[Puha he lau 6]

Tau Fakafifitakiaga he Tau Fakatino he Parataiso

Tohi Creation: lau 237, 243, 251

Tohi Teacher: lau 251-4

Tohi Iloilo: lau 4-5, 188-9

Porosua Manako: lau 11, 13

Tohi True Peace: lau 98

Tohi Tapuaki ke he Atua: lau 92-3

[Puha he lau 6]

Tau Mena ne Kapaletu e Tau Tagata

Ekefakakelea e tau manu

Tau Fakatai 12:10

Fakaagitau

Salamo 34:8;

Isaia 65:17-19

Fakatufono nakai lauia mitaki

Salamo 146:3, 4;

Tanielu 2:44

Felakutaki, fakamatakutaku

Salamo 46:8, 9;

Mika 4:3, 4

Fili tagata, nakai fetataiaki

Isaia 11:3-5;

Gahua 10:34, 35

Gagao, matulituli

Isaia 33:24; 35:5, 6

Holifono, favale

Salamo 37:10, 11;

Tau Fakatai 2:21, 22

Kuku e tau kai, hogeia

Salamo 72:16;

Isaia 25:6

Mahani keukeu, nakai fakafili tonu

Isaia 9:6, 7;

2 Peteru 3:13

Malolo hifo he mahani mitaki

2 Timoteo 3:1-5

Mate, maanu

Isaia 25:8;

Fakakiteaga 21:3, 4

Mativa, ekefakakelea

Salamo 72:12-14;

Fakamatalaaga 8:9

Moumou he lalolagi

Fakakiteaga 11:18

Tau lekua he tau fale, tupe

Isaia 65:21, 22