Leveki
Fakaaoga Nakai e Koe e Tau Porosua Nei?
Maeke a Koe mo Kapitiga he Atua!
Talaga ke lata mo lautolu ne tote e fakaakoaga po ke iloaaga ke totou
Puhala ke foaki ai: “Manatu nakai a koe na maeke a tautolu ke eke mo tau kapitiga he Atua? [Fakaatā ma e tali. Ti totou e Iakopo 2:23.] Ko e porosua nei ne talaga ke lagomatai a tautolu ke eke mo kapitiga he Atua, tuga a Aperahamo.”
Maeke ia koe ke taute pehē: He fina atu fakamua po ke liu aahi atu, fakatātā e fakaako Tohi Tapu he fakatutala tokoua e vala katoa po ke tama vala he Fakaakoaga 1.
The Origin of Life—Five Questions Worth Asking
Talaga ma e tau fuata Kerisiano kua fakaako e tupumainoa he aoga mo e kua lagomatai foki ka fakamaama ke he tau tagata talitonu ke he tupumainoa, tagata nakai fakaako ke he Atua, mo e tau tagata nakai talitonu ke he Atua (Ko e porosua nei kua nakai talaga ke foaki he taha fale ke he taha fale.)
Fēfē e puhala ke fakaaoga ai ka tutala ke he tagata talitonu ke he tupumainoa po ke tagata nakai talitonu ke he Atua: “Teitei oti e tau tohi fakasaiene he vahā nei he fakaako ke he tupumainoa. Talitonu nakai a koe ke he tupumainoa ko e fakaakoaga, po ke manatu a koe kua eke ai mogonei ko e tau mena mooli? [Fakaatā ma e tali.] Ke taute e fifiliaga tonu, iloa e au to talia e koe kua lata ia tautolu ke kumikumi ke he tau faahi ne ua he manatu. Kua fakakite he porosua nei e falu fakamooliaga ne takitaki e tokologa ke talitonu mena tufuga e moui.”
Maeke a koe ke taute pehē: Ka fano a koe he aoga, tuku e porosua he laulau haau ti kitia kua fakalagā e fia iloa he tau kapitiga aoga.
Why Should We Worship God in Love and Truth?
Talaga ke lata mo e Tau Hinitū
Puhala ke foaki ai: “Ko e liogi talahaua faka-Initia ne pehē: ‘Mai he fakahehēina kia takitaki au ke he kupu mooli. Mai he pouli kia takitaki au ke he maama.’ Manatu nakai a koe kua aoga ke tapuaki ke he Atua he fakaalofa mo e fakamooli? [Fakaatā ma e tali.] Mailoga e mena ne talahau e Iesu hagaao ke he mena nei.” Totou Ioane 4:24. Ti totou e paratafa 4 he lau 3 ti foaki e porosua.
Maeke a koe ke taute pehē: Ka talia he tagata he kaina e porosua, pehē: “Falu pulotu Hinitū ne talahau kua haia e kupu mooli he tau loto ha tautolu. Falu ne pehē ko e kupu mooli kua moua he kupu tapu. He taha mogo, to manako au ke fakatutala ke he hūhū ne tohi he matahiku he paratafa 3 he lau 4: ‘I fe kua lata ia tautolu ke moua e kupu mooli mai he Atua?’”
The Pathway to Peace and Happiness
Talaga ke lata mo e Tau Puta
Puhala ke foaki ai ke he tagata motua ko e Puta: “Liga kua tupetupe a koe ke he mena ka tala atu e au hagaao ke he loga lahi he tau manatu fakalialia mo e tau puhala ne lauia ai e tau fanau ha tautolu. Ko e ha he manatu haau kua tupu ki mua e mahani kelea pihia he tau fuata mui? [Fakaatā ma e tali.] Iloa nakai e koe na talahau tuai e mena nei he tohi ne kamata ke tohia fakamua atu ato fakatū e tau lotu Hinitū, Kerisiano, mo e Musilimi? [Totou 2 Timoteo 3:1-3.] Mailoga kua tutupu agaia e tau tuaga nei pete e matutaki ke fakaako. [Totou kupu 7.] Ko e vala tala he tohi nei kua lagomatai au ke maama e tau kupu mooli kua nakai fakaako he laulahi he tau tagata. Manako nakai a koe ke totou ai?”
Maeke a koe ke taute pehē: Ka liu atu he mogo i mua, he mole e feaki e fiafia he tagata he kaina ke he Tohi Tapu, fakakite ki a ia e tau hūhū he lau i tua, ti fakakite e kupono ma e tohi Fakaako e Tohi Tapu. Fakamaama kua tamai e koe e lagaki ka manako a ia ke kitia. Fakakite e tau vala mataulu he tohi, mo e fakatutala ke he taha po ke ua e paratafa he veveheaga ne fifili e ia.
Real Faith—Your Key to a Happy Life
Talaga ke lata mo e Tau Musilimi kua nonofo he takatakaiaga ne liga atāina a lautolu ke fakaako e Tohi Tapu
Puhala ke foaki ai: Fakakite e fakatino he lau 16-17 ti pehē: “Ko e fakatino nei kua kehe lahi mai he mena ne kitia e tautolu he lalolagi mogonei. Manatu nakai a koe to maeke e lalolagi ke pehēnei a taha aho? [Fakaatā ma e tali.] Mailoga e tau mena ne mavehe mai he tohi nei he Atua. [Totou taha he tau kupu tohi ne fatiaki mai he Tohi Tapu haau.] Ko e porosua nei kua lagomatai a tautolu ke feaki e tua mooli na to fakamooli e tau maveheaga ia.”
Maeke a koe ke taute pehē: He matahiku he aahi atu fakamua, hūhū ke he tagata he kaina ke fifili e taha he tau hūhū i tua he kili. Ti taute e tau fakatokaaga ke fakatutala ke he tali mai he porosua ka liu atu a koe.
Lasting Peace and Happiness—How to Find Them
Talaga ke lata mo e Tau Saina
Puhala ke foaki ai: “He vahā nei ko e moui kua loga e paleko ka fōfō e fiafia ha tautolu. Ko e heigoa ke lagomatai a koe ke fiafia pete ne tau lekua? [Fakaatā ma e tali.] Tokologa e tagata ne moua e fiafia mai he muitua ke he fakatonuaga he Tohi Tapu. [Totou Salamo 119:1, 2.] Falu ne mailoga ko e Tohi Tapu ko e tohi he Faahi Lalo. Ka e mailoga e mena nei. [Fakatutala ke he paratafa 16 he lau 17.] Ko e porosua nei kua fakatutala e puhala kua maeke ia tautolu ke moua e mafola mo e fiafia tukulagi.”
Maeke ia koe ke taute pehē: Ka talia he tagata he kaina e porosua, totou tokoua ke he tolu e alaga kupu fakamua he paratafa 18 he lau 17 ti pehē: “Ka liu mai au, manako au ke fakakite ki a koe e mena ne talahau he Tohi Tapu ka amaamanaki a tautolu ki ai.” Ka liu atu a koe, fakatutala ke he taha he tau manatu he paratafa 6 he lau 30.