Fakamatala ke he “Tau Tagata Oti”
1. Puhala fe kua eke e tau tagata fakamatala lauia mitaki ke tuga e tau tagata talatalai makaka?
1 Ko e tagata talatalai makaka ne loga e koloa, ti iloa e ia e magaaho mo e puhala ke fakaaoga e tau koloa takitaha. Pihia foki, ha ha ia tautolu e tau koloa kehekehe ke lagomatai a tautolu ke taute e gahua ha tautolu ko e tau tagata fakamatala. Ma e fakatai, kua kehekehe e tau mataulu he tau porosua ne taute ke lagomatai a tautolu ke fakamatala ke he “tau tagata oti.” (1 Kori. 9:22) Kua ha ha he fufuta nei e falu he tau porosua ia, kua fakamaama ko hai ia lautolu ka aoga mai ai, ti fakakite e tau puhala ka foaki e tau porosua.
2. Liga ko e magaaho fe ka fakaaoga e tautolu e tau porosua he gahua he fonua?
2 Magaaho ke Fakaaoga e Tau Porosua: To fakaaoga he tagata talatalai e koloa he magaaho kua lata ai. Pihia foki, to foaki e tautolu e porosua he ha magaaho ka logona hifo e tautolu to aoga ke he tagata, nakai ni he tau mahina ka foaki e tau tohi. Ma e fakatai, kaeke ko e foaki ko e tohi Fakaako he Tohi Tapu ti kua fakamatala a tautolu ke he motu he tau tagata ne nakai ko e tau Kerisiano mo e tote ha lautolu a manako ke he Tohi Tapu, liga kua aoga ke foaki e porosua kua latatonu ti fakakite e tohi Fakaako he Tohi Tapu ka mole e feaki e tautolu e fiafia he tagata.
3. Ko e ha kua lata ia tautolu ke iloa lahi ke fakaaoga e tau koloa fakamatala ha tautolu?
3 Kua talahau fakamitaki he tau Tohiaga Tapu a lautolu kua makaka ke he gahua ha lautolu. (Fakatai 22:29) Mooli, nakai fai gahua kua mua e aoga he vahā nei ke he “feua [tapu] ke he vagahau mitaki.” (Roma 15:16) Ke eke mo “ekegahua nakai fai mena ke mā ai,” to lali a tautolu ke iloa lahi ke fakaaoga e tau koloa ha tautolu.—2 Timo. 2:15.