Kua Lata e Tau Katofia ha Tautolu ke Logona e Tala Mitaki
1 Ko e finagalo he Atua ke “fakamomoui e tau tagata oti kana, mo e hokotia a lautolu he maama ke he kupu moli.” (1 Timo. 2:4) To fakalataha e tau katofia oti ha tautolu ko e “tau tagata oti kana.” Ke hokotia ki a lautolu mo e tala mitaki kua lata ke hikihikifano e tau fakataitaiaga ha tautolu mo e manamanatu ke he mena kua fiafia ki ai e tau tagata takitaha kua feleveia mo tautolu. (1 Kori. 9:19-23) Kua foaki he fakapotopotoaga a Iehova e tau kanavaakau kua maeke ke lagomatai a tautolu ke hokotia ke he tau loto ha lautolu kua “kotofa ke he moui tukulagi.” (Gahua 13:48) O mai la tautolu ke kitia e puhala ke fakaaoga e tau porosua kehekehe ia Iulai mo Aokuso ke talahau e tau manako fakaagaga ke he tau katofia ha tautolu.
2 Fakakite e Tau Porosua: Ko e tohi i lalo to moua e koe e tau lagomataiaga kua liga ke aoga ka foaki e tau porosua pauaki. Kua lauia e fakataitaiaga takitaha (1) ko e huhu fakaohooho ke kamata e fakatutalaaga, (2) ko e fakamoliaga kua moua mai e tau matakupu tutala he porosua, mo e (3) ko e kupu tohi kua lata ke totou he fakatutalaaga. Maeke ia koe ke talahau e vala fakahiku he fakataitaiaga ke he tau kupu ni hau, hagaao ke he tali he tagata. Ma e tau porosua loga, ko e fufuta fakamua he Ha Tautolu a Fekafekauaga he Kautu kua tohi ai ke moua e koe e tau fakataitaiaga katoatoa he porosua.
Kua Leveki Moli Kia he Atua a Tautolu?
Ko e heigoa e amaamanakiaga kua manatu e koe ke lagomatai e tau tagata ne kua matematekelea ha ko e ekefakakelea?—Lau 27-8, paratafa 23-7; Isa 65:17, 18; km 7/97-E lau 4.
What Is the Purpose of Life—How Can You Find It?
Ko e ha kua tokologa ai e tau tagata he vaha nei kua tuga ke nakai makona mo e tau momoui ha lautolu?—Lau 29-30, paratafa 2, 25-6; Sala. 145:16; km 7/96 lau 4.
Ke Fiafia e Moui Tukulagi ke he Lalolagi!
Kua manamanatu nakai a koe ko e heigoa ha Iesu Keriso he magaaho nei hane taute?—Fakatino 41-2; Fakakite. 11:15; km 8/96 lau 8.
Ko e Fakatufono Ka Tamai e Parataiso.
Manako nakai a koe ke iloa hagaao ke he Kautu ne fakaako e Iesu ki a tautolu ke liogi?—Lau 3; Mata. 6:9, 10; km 8/96 lau 8.
Ka Mate a Ia ne Ofania e Koe.
Kua manamanatu nakai a koe ke he puhala ke fakamafana taha ne galo e fakahelehele ke he mate?—Lau 26, paratafa 2-5; Ioane 5:28, 29; km 7/97-E lau 4.
Should You Believe in the Trinity?
Ko e maamaaga ha tautolu kia ke he moui moli he Atua kua aoga ke he vaha anoiha ha tautolu?—Lau 3, paratafa 3, 7-8; Ioane 17:3.
3 Falu Porosua: Ko e uho he Ha Tautolu a Fekafekauaga he Kautu ia Fepuari 1998 kua tohi ai e falu tohi, putoia e tau porosua, kua talaga pauaki ke fakaaoga he fakamatala ke he tau Puta, Hinitu, tau Iutaia, mo e tau Musilimi. Ka latatonu, ko e tau porosua nei kua liga ke foaki ke he tau tagata ka feleveia. Kia fakamanatu e koe e tau talahauaga he lau 4-6 he uho ia, fakalataha mo e lau 21-4 he tohi Reasoning mo e kamata e tau fakataitaiaga kuku kua liga fakaohooho e fiafia he tau tagata nei.
4 Ko e taha porosua kua tauteute ke lagomatai e tau tagata kua liga pulotu lahi ka e tote e iloaaga he Tohi Tapu. Kua talaga ai ke omoi aki a lautolu ke manako ke ono ke he Kupu he Atua. Ka lata, kia fifili e koe ke foaki ai:
A Book for All People.
Talia nakai a koe ko e moua he fakaakoaga mitaki kua putoia ai he moua falu iloilo mai he Tohi Tapu?—Lau 3, paratafa 1-3 mo e lau 30, paratafa 2; Fakama. 12:9, 10.
5 Porosua Fakaakoaga Tohi Tapu: Ko e foliaga ha tautolu he fekafekauaga kua lata tumau ke kamata e fakaakoaga Tohi Tapu, ke he aahi atu fakamua po ke ke he liu ahi atu tumau. Ke he mena ia, ha ha ia tautolu e porosua mukamuka ke fakaaoga ke kamata mo e taute e tau fakaakoaga Tohi Tapu he kaina:
Ko e Heigoa e Manako he Atua ma Tautolu?
Iloa nakai e koe ko e 30 po ke tote hifo e tau minuti he fahi tapu he 16 e fahi tapu, kua maeke ia koe ke moua e maamaaga aoga he Tohi Tapu?—Fakaakoaga 2, paratafa 6; 2 Timo. 3:16, 17; km 3/97 lau 3.
6 Ko e fakataiaga ke he katofia Samaria, ne taute fakakitia e Iesu ko e katofia moli ko ia kua fakagahuahua e fakaalofa mo e totonu ke lagomatai falu kua tupetupe. (Luka 10:27-37) Ko e tau katofia ha tautolu ha ha he tupetupe fakaagaga. Kua lata ia lautolu ke logona e tala mitaki. Kia hahamo auloa e tautolu e matagahua ke talahau ke he falu, he fakamoli a tautolu ko tautolu ko e tau tutaki fakamoli ha Iesu Keriso.—Mata. 24:14; Kala. 5:14.