“Foaki e Mekasini Tuai po ke Ha Porosua ne Felauaki mo e Manako he Tagata”

He tau mahina ne foaki e tautolu e tohi Fakaako he Tohi Tapu mo e fakaako tohi he aahi atu fakamua, kua fakamafana a tautolu ke “foaki e mekasini tuai po ke ha porosua ne felauaki mo e manako he tagata” kaeke kua fitā e fai tohi e tagata he kaina ti ai talia e foaki ke fakaako tohi. Ko e ha?

Ko e tau porosua mo e tau mekasini tuai kua kehekehe e tau vala tala kua felauaki tonu. Liga fai mena mai he taha he tau tohi ia ka aamohia e loto he tagata he kaina. Ko e mena ia, ka tauteute e koe e kato fakamatala haau, tuku e tau porosua kehekehe mo e tau fufuta mekasini tuai. Ka nakai fai mekasini tuai a koe, liga maeke ke moua falu mai he tokaaga mekasini. Ti kaeke kua fitā he moua he tagata he kaina e tohi Fakaako he Tohi Tapu ti ai talia foki ke fakaako Tohi Tapu, maeke ia koe ke fakakite age falu mekasini po ke tau porosua ia koe mo e uiina a ia ke uta e tau tohi kua fiafia a ia ki ai. Ka mole ia, ti tauteute e tau fakaholoaga ke liu atu ke feaki e fiafia haana. Liga to fakahiku ai ni ke he fakaako Tohi Tapu.