Fakaaoga Fakamitaki e Tau Mekasini Tuai
Ha ko e mena nakai aoga ki a taha e tau mekasini tuai ka tolo ke he vao po ke toka noa ni he tau fata tohi, kua lata ni ke tufa ke he tau tagata. Maeke he taha mekasini ke fakalaga e fiafia he ha tagata ke he kupu mooli, ti maeke ke omoi a ia ke ui atu ke he higoa a Iehova. (Roma 10:13, 14) Ko e falu puhala a nei ke fakaaoga fakamitaki aki e tau mekasini tuai.
Ka gahua he tau fonua ne nakai fa gahua tumau, liga mitaki ke toka taha he mena ke ua kitia he falu mai he puhalatū, he tau kaina ne ai fai tagata.
Ka putoia he gahua ke he mena ne tokologa e tagata ne fakatalitali, tuga e tau tuaga pasi, po ke tuaga tuleni, hūhū age po ke manako nakai ke he taha tohi mo totou ti fakakite age e tau fufuta mekasini kehekehe ke fifili ne lautolu.
Ka ō ke he tau fale unu, kaina he tau nosi, tau kiliniki po ke falu matakavi pihia he fonua gahua he fakapotopotoaga, toka falu tohi tuai he tau poko ne fakatalitali ai e tau tagata. Ko e mena mitaki ke moua e fakaatāaga mai he tagata leveki kaeke kua nofo a ia i ai. Kaeke kua fitā e toka ai falu mekasini, ua toka foki falu.
Ka amaamanaki ke ō he tau liu aahi atu, mailoga e fiafia he tau tagata takitokotaha ne amanaki ke ō ke ahiahi. Fai magafaoa ka ia? Tagata fiafia ke fano fenoga ka ia? Fiafia ka ia ke gahua he katene? Onoono ke he tau fufuta mekasini tuai ke kitia kua fai vala tala nakai ne fiafia a ia ke totou, ti fakakite age ki a ia ka liu atu a koe.
Ka moua e koe e tagata he kaina ne fiafia ka tafeliuaki tumau ke kumi a ia, fakakite age e tau mekasini tuai ne ai moua e ia.