Ko e Vitio mo e Fekau Aoga Lahi

Ko e heigoa e fekau i loto he vitio David​—He Trusted in God? Kua lata ia tautolu, tuga a Tavita, ke falanaki ki a Iehova. (Sala. 91:2) He kitia e tau fakatino ne fakatata mai ke he tau mena lalahi ne tutupu he moui a Tavita ka lagomatai e tau fanau mo e tau tagata lalahi ke ako mai he tau fakafifitakiaga ne fakatoka e ia. (Sala. 31:14) Ke au atu e aoga ki a tautolu, ko e DVD nei kua putoia ai e “Video Quiz” mo e loga e “Learning Activities.”

Kitekite e vitio, ti huhu ki a koe: (1) Ko e ha ne fifili e Iehova e patuiki ne mitaki atu? (1 Samu. 15:10, 11; 16:1) (2) Ko e ha ne nakai fifili e ia ha lafu ha Tavita? (1 Samu. 16:6, 7) (3) Ko e ha ne fiafia a Saulo ke ta e Tavita e kitara? (1 Samu. 16:14-23) (4) Ko hai a Koliato? (1 Samu. 17:4-10) (5) Ko e ha ne manako a Tavita ke tau ki a Koliato? (1 Samu. 17:23, 24, 36, 37) (6) Ko hai a Ionatana? (1 Samu. 14:1) (7) Magaaho fe ne eke ai a Saulo mo matafi lahi ki a Tavita? (1 Samu. 18:25-29) (8) Ko e ha ne nakai tamate e Tavita a Saulo? (1 Samu. 26:7-11) (9) Puhala fe ne mate ai a Saulo? (1 Samu. 31:1-6) (10) Fefe a Tavita he iloa kua mate a Ionatana? (2 Samu. 1:11, 12) (11) Ko e heigoa e maveheaga ne taute e Iehova ki a Tavita? (2 Samu. 7:12, 13, 16) (12) Ko e heigoa e lekua kelea lahi ne taute e Tavita? (2 Samu. 11:1-5, 14-17) (13) Fakakite fefe e Tavita kua tokihala moli a ia ke he mena ne taute e ia? (Sala. 51) (14) Ko e heigoa e tau fakaakoaga ne tala age e Tavita ke he tama fuata ko Solomona? (1 Patu. 2:1-4; 1 Nofo. 22:6-13; 28:9, 10) (15) Puhala fe ka aoga e pule ha Iesu ki a Tavita, Ionatana, mo koe?​—Isaia 11:6-9; Ioane 11:25, 26.

Manamanatu la mogonei: Maeke fefe ia koe ke fifitaki fakatagata e falanaki ke he Atua tuga ne fakakite e Tavita?

Tau mamatua, fakaako ke he tau fanau ha mutolu e aoga he falanaki ke he Atua, tuga ne taute e Tavita.​—Sala. 56:11.