Fakaholoaga Fou he Toloaga he Takaiaga

He tau aho fakamui he lalolagi matahavala tuai nei, kua uho lahi ke fakatumau e tapulu fakaagaga ha tautolu mo e puipui ha tautolu a fakamailoga faka-Kerisiano. (Fakakite. 16:15) Kua latatonu, mogoia, e matakupu he fakaholoaga he toloaga he takaiaga he tau he fekafekauaga ma e 2006 ko e “Fakatapulu a Mutolu ke he Tagata Fou.”​—Kolo. 3:10.

Aho Fakamua: Ko e fufuta lauga fakamua, “Fakakite e Tau Puhala he Tagata Fou,” to fakamaama e puhala kua aoga ki a tautolu he feaki e tagata fou ke he tau fahi oti he tau momoui ha tautolu. Maeke fefe ia tautolu ke feaki e tagata fou? To fakatutala ki ai he tau lauga ua fakamui he aho fakamua, “Akonaki e Koe a Koe ke Tonu e Manamanatu Hokulo” mo e “Fakaakoaga ne Fakahakohako e Tagata Fou.”

Aho ke Uaaki: Puhala ne fakaohooho he tagata fou e fakaaogaaga he alelo ka fakatutala ki ai he fufuta lauga ke uaaki, “Feaki e Alelo he Tau Tagata Pulotu.” “Kua Kautu Nakai a Koe ki a Ia ne Mahani Kelea?” ko e matakupu he lauga ke he toloaga tagata, ka fakamaama e lata ke mataala tumau ke he tau lagatau ha Satani. Ko e tau lauga fakahiku ua he toloaga, “Kia Fakamamao a Koe Neke Ilaila Mai he Lalolagi” mo e “Fakafou e Tau Loto ha Tautolu he Tau Aho Takitaha,” ka lagomatai a tautolu ke tiaki e tau aga mo e tau mahani ne totoko ke he tau puhala tututonu he Atua mo e ke mauokafua ke he tapuakiaga a Iehova.

Kua amaamanaki lahi atu a tautolu ke moua e fakamaloloaga nei ke tapulu ai mo e fakatumau ke he tagata fou!